Gujarati News

મુંબઈઃ કોરોના વાયરસની પોઝીટીવ કેસોની સંખ્યામાં સતત વધારો થઈ રહ્યો છે અને આંકડો ૬૦૦એ પહોંચવા આવ્યો છે. જેમાં મહારાષ્ટ્રમાં સૌથી વધુ ૧૧૨ જેટલા કેસો નોંધાયા છે.

દરમિયાન મહારાષ્ટ્રના મુખ્યમંત્રી ઉધ્ધવ ઠાકરેએ લોકોને અપીલ કરતા જણાવેલ કે એર કંડીશનર (એસી)નો ઉપયોગ ન કરો. કોરોના સંક્રમણથી બચવા બારીઓમાંથી તાજી હવા ઘરમાં આવવા દો. તેમણે ઉમેરેલ કે અમને કેન્દ્ર તરફથી આ નવી એડવાઈઝરી આપવામાં આવી છે. ઉપરાંત તેમણે દૈનિક જરૂરીયાતની વસ્તુઓ લેવા માટે અફડાતફડી અંગે પણ ઉધ્ધવજીએ જણાવેલ કે અમારી પાસે શાકભાજી, ચોખા અને અન્ય વસ્તુઓનો પુરતો ભંડાર છે, જેથી ચિંતાની જરૂરીયાત નથી. આ સંકટથી નિપટયા બાદ આપણે ગુડી પડવો મનાવીશું.