Gujarati News

Gujarati News

News of Thursday, 25th February 2021

RBIએ ગુનાની ગૃહ કોઓપરેટિવ બેંક લિમિટેડ પર મુક્યો પ્રતિબંધ : ખાતેદારો 50,000 રૂપિયા સુધી ઉપાડી શકશે

મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન અથવા લોન રિન્યૂ કરી શકશે નહીં

મુંબઈ : રિઝર્વ બેંકે  ગુનાની ગૃહ કોઓપરેટિવ બેંક લિમિટેડ પર 24 ફેબ્રુઆરીના રોજ કામકાજ બંધ થયા બાદ પ્રતિબંધ લાગુ કરવાનો આદેશ આપ્યો છે. RBIના આદેશ મુજબ, બેંકનું મેનેજમેન્ટ રિઝર્વ બેંકની લેખિત મંજૂરી વિના કોઈપણ પ્રકારની ગ્રાન્ટ આપી શકશે નહીં, નવી લોન આપી શકશે નહીં અથવા લોન રિન્યૂ કરી શકશે નહીં

ગૃહ કોઓપરેટિવ બેંક લિમિટેડ નું મેનેજમેન્ટ કોઈ નવું રોકાણ કરી શકશે નહીં, કોઈપણ પ્રકારની થાપણો લેવા પર પણ પ્રતિબંધ મૂકવામાં આવ્યો છે.

રિઝર્વ બેંકના હુકમ સુધી બેંક મેનેજમેન્ટ કોઈપણ સંપત્તિ વેચી શકશે નહીં અથવા ટ્રાન્સફર કરી શકશે નહીં. 24 ફેબ્રુઆરી, 2021 બાદથી બેંક પરના આ પ્રતિબંધો પ્રથમ 6 મહિના માટે અમલમાં રહેશે, જેની સમીક્ષા પણ કરવામાં આવશે.

ગૃહ કોઓપરેટિવ બેંક લિમિટેડ ની હાલની આર્થિક સ્થિતિને ધ્યાનમાં રાખીને રિઝર્વ બેંકે પણ થાપણદારો માટે ઉપાડની મર્યાદા 50,000 રૂપિયા નક્કી કરી છે. એટલે કે, તમામ બચત ખાતા, ચાલુ ખાતા અથવા અન્ય કોઈપણ પ્રકારના ખાતામાંથી રૂ .50,000 થી વધુ ઉપાડી શકાશે નહીં. જો કે, રિઝર્વ બેંકે ખાતરી આપી છે કે બેંકના 99.40 ટકા થાપણદારોના નાણાં ડીઆઈસીજીસી વીમા યોજના હેઠળ સંપૂર્ણ સુરક્ષિત છે.

RBIનું કહેવું છે કે અમે ફક્ત તપાસના હેતુથી બેંક પર પ્રતિબંધ લાદ્યો છે. બેંકનું લાઇસન્સ રદ કરવામાં આવ્યું નથી, તેથી ગ્રાહકો નિશ્વિંત રહે છે. તેમના પૈસા બેંકમાં સંપૂર્ણ સલામત છે. જ્યાં સુધી તેની આર્થિક સ્થિતિ સુધરતી નથી ત્યાં સુધી બેંક આ નિયંત્રણો સાથે કામ કરવાનું ચાલુ રાખશે. રિઝર્વ બેંક જ્યારે સમય આવશે ત્યારે આ પ્રતિબંધોમાં બદલાવ કરશે.

(11:25 pm IST)
  • દેશના ફાઈનાન્સ સેક્રેટરી પદ માટે ગુજરાતના આઇએએસ ઓફિસર ફ્રન્ટ રનર દેશના નવા નાણા સચિવના પદ ઉપર ટૂંક સમયમાં ગુજરાત કેડરના સિનિયર આઇએએસ ઓફિસર આવી રહ્નાનું જાણવા મળે છે. સત્તાવાર સમર્થનની રાહ જોવાઇ રહી છે. (ન્યુઝફર્સ્ટ) access_time 11:44 am IST

  • રાજકોટ નજીક આવેલ ગોડલ ખાતેના સુપ્રસિદ્ધ માંડળ કુંડલા ગામે માતાજીના મંદિરમાં મોટી ચોરી થયાનું ભાવેશ ભોજાણી જણાવે છે : તસ્કરોએ માતાજીના આભૂષણો - છત્તર સહિત બધુ જ સાફ કરી નાખ્યાનું બહાર આવ્યુ છે : વિગતો મેળવાઈ રહી છે access_time 10:23 am IST

  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST