Gujarati News

મુંબઈ, તા.૨૫: અનેક ઓસ્કર વિજેતા હોલીવૂડ ફિલ્મ 'સ્લમડોગ મિલિયોનેર'ના અભિનેતા મધુર મિત્તલ પર તેની પૂર્વ ગર્લફ્રેન્ડ દ્વારા મુંબઈના ખાર પોલીસ સ્ટેશનમાં મારપીટ અને જાતીય શોષણની ફરિયાદ નોંધાવી છે. આ ઘટના ૧૩ ફેબ્રુઆરીની હોવાનું મનાય છે, જયારે મધુરએ કથિત રીતે પૂર્વ ગર્લફ્રેન્ડના ઘરમાં ઘૂસીને માર માર્યો હોવાની ફરિયાદ છે. જો કે, આ કેસમાં હજુ સુધી કોઈ ધરપકડ થઈ નથી.

કેટલાક મીડિયા અહેવાલોમાં જણાવવામાં આવ્યું છે કે, મધુર વિરુદ્ઘ ખાર પોલીસ સ્ટેશનમાં હુમલો અને દ્યાયલ કરવા અને જાતીય ગેરવર્તન માટે કેસ નોંધવામાં આવ્યો છે. ગયા વર્ષે ડિસેમ્બર મહિનામાં ફરિયાદી મધુરને મળ્યા હોવાનું કહેવાય છે. આના થોડા દિવસો પછી મધૂરે નશામાં જબરદસ્તી કરવાનો પ્રયાસ કર્યો. પીડિતાના વકીલે જણાવ્યું હતું કે તેના કલાયન્ટે આ દ્યટનાના બે દિવસ પહેલા ૧૧ ફેબ્રુઆરીએ મધુર સાથેનો તમામ સંપર્ક સમાપ્ત કર્યો હતો.

વકીલે કહ્યું કે મધુર ખૂબ ગુસ્સે હતો અને કોઈ વાતચીત કર્યા વિના તેના રૂમમાં પ્રવેશ કર્યો. ફરિયાદમાં જણાવાયું છે કે મધુરે પીડિતાનું ગળું પકડ્યું હતું અને દ્યણી વાર તેને થપ્પડ મારી હતી, તેના વાળ અને કાન ખેંચ્યા હતા અને તેને આંખની નીચે મુક્કો માર્યો હતો. ફરિયાદ તેને જાતીય હુમલો કહે છે. વકીલે કહ્યું કે પીડિતાને તેના ચહેરા, ગળા, છાતી, પાંસળી, હાથ, પીઠ, કાન અને આંખોમાં ઈજાઓ પહોંચી હતી.

એક પોલીસ અધિકારીએ જણાવ્યું કે, મધુર મિત્તલ વિરુદ્ઘ ભારતીય દંડ સંહિતાની અલગ કલમો હેઠળ છેડતી, જાતીય શોષણ માટે કેસ નોંધવામાં આવી રહ્યો છે. જોકે, આ ઘટના અંગે હજી સુધી મધુર મિત્ત્।લ તરફથી કોઈ કોમેન્ટ મળી નથી.