Gujarati News

Gujarati News

News of Thursday, 25th February 2021

પહેલી માર્ચથી દેશમાં 60 વર્ષથી વધુ ઉંમરનાં લોકોને અપાશે કોરોના રસી :વૃદ્ધ અને બિમારને પ્રાથમિકતા 10 હજાર સરકારી કેન્દ્રો અને 20 હજારથી વધુ ખાનગી હોસ્પિટલો આ કામગીરીમાં ગોઠવી દેવાશે

કોરોના રસીકરણ અંગે ભારત સરકારે મોટી જાહેરાત કરી છે. આ રસી 1 માર્ચથી દેશમાં 60 વર્ષથી વધુ ઉંમરનાં લોકોને આપવામાં આવશે. કેન્દ્રીય મંત્રી પ્રકાશ જાવડેકરે બુધવારે કેબિનેટનાં નિર્ણયો વિશે માહિતી આપતી વખતે આ જાહેરાત કરી છે

પ્રકાશ જાવડેકરે વધુમાં જણાવ્યું હતું કે, દેશનાં વૃદ્ધ અને બિમાર લોકોને કોરોના વાયરસની રસી પૂરી પાડવા 10 હજાર સરકારી કેન્દ્રો અને 20 હજારથી વધુ ખાનગી હોસ્પિટલો આ કામગીરીમાં ગોઠવી દેવામાં આવશે. જે લોકો 10 હજાર સરકારી કેન્દ્રોની મુલાકાત લઈને રસી લેશે તેઓને મફત રસી મળશે અને જેઓ ખાનગી હોસ્પિટલમાં પ્રવેશ મેળવશે તેમને ફી ભરવાની રહેશે. આરોગ્ય વિભાગ ફી અંગે 2-3 દિવસમાં જાહેરાત કરશે.

   અત્રે ઉલેલ્ખનીય છે કે મહારાષ્ટ્ર, કેરળ, પંજાબ સહિત ઘણા રાજ્યોમાં ફરીથી કોરોના વાયરસનો પ્રકોપ વધવા માંડ્યો છે. સતત વધી રહેલા કોરોનો સંક્રમિતોની સંખ્યાએ સરાકરોની ચિંતાને વધારી દીધી છે. સાવચેતીનાં પગલારૂપે મહારાષ્ટ્ર અને કેરળમાં અનેક કડક પગલા લેવામાં આવ્યા છે. દરમિયાન, રસીકરણ કાર્ય પણ દેશમાં ઝડપથી પ્રગતિ કરી રહ્યું છે, હમણાં કોવિડ-19 રસીનો પ્રથમ અને બીજો ડોઝ આરોગ્ય કર્મચારીઓ અને ફ્રન્ટ લાઈન કર્મચારીઓને આપવામાં આવી રહ્યા છે. વૃદ્ધો અને બિમાર લોકોને રસી આપવાની ઝુંબેશ દેશભરમાં 1 માર્ચથી શરૂ થશે, આશા વ્યક્ત કરવામાં આવી રહી છે કે તેનાથી કોરોના વાયરસનાં કેસોમાં વધુ ઘટાડો થશે. દેશભરમાં અત્યાર સુધીમાં 1.14 કરોડ લોકોને રસી આપવામાં આવી છે.

(12:00 am IST)
  • પૂર્વ જસ્ટિસ માર્કંડેય કાત્જુએ ભાજપ સરકારની હિટલર સાથે સરખામણી કરી હતી : 2016 ની સાલમાં કરાયેલી આ સરખામણી યોગ્ય જણાઈ નથી : ભારતમાં ન્યાયતંત્રની સ્વતંત્રતા ઉપર તરાપ હોવાના કોઈ પુરાવા નથી : નીરવ મોદીના પ્રત્યાર્પણને મંજૂરી આપતી વખતે યુ.કે.કોર્ટની ટકોર access_time 8:49 pm IST

  • ચૂંટણી પહેલા પેટ્રોલ અને ડીઝલના ભાવોમાં મોટો ઘટાડો આવશે : આગામી પાંચ રાજ્યોની ચૂંટણી પૂર્વે મોદી સરકાર પ્રતિ લીટર ૪ રૂપિયાનો ફ્યુઅલ ટેક્સમાં ઘટાડો કરે તેવી પૂરી સંભાવના હોવાનું ન્યૂઝફર્સ્ટ જણાવે છે. જોકે પેટ્રોલ અને ડીઝલ ને જીએસટીના દાયરામાં ટૂંક સમયમાં લઈ લેવામાં આવે તેવી પણ સંભાવના રહેલી છે. access_time 11:29 am IST

  • ખેડૂત નેતાએ કહ્યું સરકારને રામચંદ્ર બનાવી ગાદીએ બેસાડી હતી પણ રાવણ જેવો વ્યવહાર કરવા લાગી : અમને ખબર છે રાવણની નાભિ ક્યાં છે : રાકેશ ટિકૈતની 40 લાખ ટ્રેકટર સાથે સંસદ ભવન ઘેરાવાના એલાનને ખેડૂત નેતા પુષ્પેન્દ્રસિંહ સમર્થન અપાતા કહ્યું મત જ સરકારની નાભિ છે અને ત્યાં જ વાર કરીશું access_time 1:12 am IST