Gujarati News

Gujarati News

News of Thursday, 25th February 2021

સરકારના અહમ ઉપર મલમ લગાવવા દેશદ્રોહનો કેસ ન થાય

દિશા રવિને જામીન આપતા કોર્ટની ટકોર : દિલ્હીની કોર્ટે પોલીસની આકરી ઝાટકણી કાઢી નાખી

નવી દિલ્હી,તા.૨૪ : ખેડૂત આંદોલનને લઈને ટૂલ કિટ બનાવવાના આરોપનો સામનો કરી રહેલી એક્ટિવિસ્ટ દિશા રવિને દિલ્હીની કોર્ટે મંગળવારે જામીન તો આપ્યા જ હતા પણ સાથે સાથે કોર્ટે દિલ્હી પોલીસની આકરી ઝાટકણી પણ કાઢી હતી. દિશા રવિને જામીન આપવાનો વિરોધ કરતી વખતે દિલ્હી પોલીસે કહ્યુ હતુ કે, આ ટૂલ કિટ કેસ નથી પણ તેના થકી દેશને બદનામ કરવાનો અને દેશમાં અશાંતિ પેદા કરવાનો ઈરાદો હતો.દિશાએ વોટસએપ પરની પોતાની ચેટ ડિલિટ કરી નાંખી હતી .કારણકે તે કાનૂની કાર્યવાહીથી બચવા માંગતી હતી.આમ ટૂલકિટ પાછળનો ઈરાદો સારો નહોતો. જોકે પોલીસની તમામ દલીલો કોર્ટે ફગાવી દીધી હતી અને કોર્ટે કહ્યુ હતુ કે, પોલીસે જે પણ રેકોર્ડ રજૂ કર્યો છે તેમાં એવુ કશું નથી કે જેનાથી દિશા રવિ ભાગલાવાદી વિચારો રજૂ કરી હોય તેવુ લાગે.દિશા રવિનો પ્રતિબંધિત સંગઠન સિખ ફોર જસ્ટિસ સાથે કોઈ સબંધ હોય તેવુ પણ સાબિત થયુ નથી.જેનાથી નુકસાન ના થતુ હોય તેવી ટુલકિટના એડિટર હોવુ ગુનો નથી. સાથે સાથે કોર્ટે કહ્યુ હતુ કે, સરકારના ઘવાયેલા અહમ પર માત્ર મલમ લગાવવાના ઈરાદાથી દેશદ્રોહનો કેસ થોપી શકાય નહીં. લોકશાહી સિસ્ટમમાં નાગરિકો સરકારને રસ્તો બતાવી શકે છે.સરકારની નીતિઓ સાથે અસંમત હોવાના કારણે નાગરિકોને જેલમાં પૂરી શકાય નહી.વિચારોમાં મતભેદ અને અસહમતિ થી સરકારની નીતિઓમાં પારદર્શિતા આવતી હોય છે.જાગૃતિ નાગરિકો એક સમૃધ્ધ લોકશાહીની ઓળખ છે. કોર્ટની આ ટિપ્પણીઓ દિલ્હી પોલીસને ઝાટકો આપનારી છે.કારણકે હવે આ ટિપ્પણીઓ બાદ દિલ્હી પોલીસ પર નૈતિક દબાવ વધી ગયો છે.

(12:00 am IST)
  • જામનગર જીલ્લાના ધ્રોલ અને પડધરી પંથકમાં તથા રાજકોટની ભાગોળે ઓનેસ્ટ સુધી સવારે ૯ વાગ્યા સુધી ભારે ધુમ્મસ અને ઝાકળ છવાયેલા રહ્ના હતા access_time 10:23 am IST

  • એફિલ ટાવરથી પણ ઊંચા ભારતના ગૌરવની તસ્વીર : રેલમંત્રીએ આપી જાણકારી :જમ્મુ-કાશ્મીરમાં દુનિયાનો સૌથી ઊંચો પુલની કામગીરી અંતિમ તબક્કામાં : રેલવે મંત્રીએ તસ્વીર શેર કરી : કટડા -બનિહાલ વચ્ચે રિયાસીમાં ચિનાબ નદી પર આ પુલનું નિર્માણ access_time 1:20 am IST

  • ખેડૂત નેતાએ કહ્યું સરકારને રામચંદ્ર બનાવી ગાદીએ બેસાડી હતી પણ રાવણ જેવો વ્યવહાર કરવા લાગી : અમને ખબર છે રાવણની નાભિ ક્યાં છે : રાકેશ ટિકૈતની 40 લાખ ટ્રેકટર સાથે સંસદ ભવન ઘેરાવાના એલાનને ખેડૂત નેતા પુષ્પેન્દ્રસિંહ સમર્થન અપાતા કહ્યું મત જ સરકારની નાભિ છે અને ત્યાં જ વાર કરીશું access_time 1:12 am IST