Gujarati News

મુંબઈ :બોલીવુડની જાણીતી અભિનેત્રી શ્રીદેવીનું હૃદય રોગના હુમલા બાદ દુબઈમાં નિધન થયું છે. શ્રીદેવીએ દુબઈમાં અંતિમ શ્વાસ લીધા હતાં. 54 વર્ષીય શ્રીદેવીના અવસાનથી પતિ બોનીકપુરને ઘેરો આઘાત લાગ્યો છે તે વાત કરવાની સ્થિતિમાં નથી.જયારે દીકરી ખુશી પણ માના જવાથી એકદમ હેબતાઈ ગઈ છે. શ્રીદેવીનો પાર્થિવ દેહ રવિવાર (25 ફેબ્રુઆરી)ના રોજ મોડી રાતે એટલે કે બેથી ત્રણની વચ્ચે મુંબઈ આવશે. દીકરી જાહન્વી પણ માતાના નિધનના સમાચાર સાંભળીને ભારતથી દુબઈ જતી રહી હતી.