Gujarati News

Gujarati News

News of Monday, 25th January 2021

પ્રજાસતાક પર્વે દિલ્હીમાં વીજ પુરવઠો ખોરવવાનું ષડયંત્ર: ખાલિસ્તાન સમર્થક સંસ્થાએ આપી ધમકી

ટ્રેક્ટર રેલીમાં કંઈક છમકલું કરવાનું કાવતરું : પાકિસ્તાનથી 308 ટ્વીટર હેન્ડલનું ઓપરેટિંગ

નવી દિલ્હી: પ્રજાસત્તાક પર્વ પર દિલ્હીમાં વીજ પૂરવઠો ખોરવવાના ષડયંત્રના ઈનપુટ મળ્યા છે. ખાલિસ્તાની સમર્થક સંસ્થા શીખ ફૉર જસ્ટિસે  સોશિયલ મીડિયા પર 25 અને 26 જાન્યુઆરીએ પાવર કટ  કરવાની ધમકી આપી છે. આ અંગે BSESને પણ છેલ્લા કેટલાક દિવસોથી જાણકારી મળી રહી હતી.બીજી તરફ ગુપ્તચર એજન્સીઓ અને દિલ્હી પોલીસ જાણકારી મળ્યા બાદ એલર્ટ થઈ ગઈ છે. કહેવાય છે કે, ડિસ્કૉમ, પાવર ગ્રિડ અને પાવર સબ સ્ટેશનને ટાર્ગેટ કરવામાં આવી શકે છે. આવું કરવા માટે યુવાનોને ભડકાવવામાં આવી રહ્યાં છે. શીખ ફૉર જસ્ટિસ સંસ્થાની ગતિવિધિઓ પર ગુપ્તચર એજન્સીઓની ચાંપતી નજર છે.

 દિલ્હીમાં ખેડૂતો 26 જાન્યુઆરીએ કૃષિ કાયદા વિરુદ્ધ ટ્રેક્ટર માર્ચ નીકાળવા જઈ રહ્યાં છે. આ રેલીમાં ષડયંત્ર રચવા માટે પાકિસ્તાનથી 308 ટ્વીટર હેન્ડલ ઑપરેટ કરવામાં આવી રહ્યાં હતા. આ તમામ ટ્વીટર હેન્ડલની દિલ્હી પોલીસ તપાસ કરી રહી છે. આ સાથે જ તેમને બ્લોક પર કરી દેવામાં આવ્યા છે.

 દિલ્હી પોલીસના સ્પેશિયલ કમિશનર દિપેન્દ્ર પાઠકે જણાવ્યું કે, અમને અનેક ઈન્ટેલિજન્સ ઈનપુટ મળ્યા છે કે, ટ્રેક્ટર રેલીમાં કંઈક છમકલું કરવાનું ષડયંત્ર રચવામાં આવી રહ્યું છે. 308 ટ્વીટર હેન્ડલ પાકિસ્તાનમાં બનેલા છે, જેથી લૉ એન્ડ ઑર્ડરને ખરાબ કરી શકાય અને આ ટ્રેક્ટર પરેડને ડિસ્ટર્બ કરી શકાય.

દિલ્હીમાં ત્રણ ઠેકાણે ટ્રેક્ટર રેલીની મંજૂરી છે. આ ત્રણ બોર્ડરો પર બેરિકેડ હટાવવામાં આવશે. કેટલીક શરતો સાથે આ મંજૂરી આપવામાં આવી છે. દિલ્હીની સિંઘુ બોર્ડર, ટિકરી બોર્ડર અને ગાજીપુર બોર્ડરથી બેરિકેડ્સ હટાવીને કેટલાક કિલોમીટર સુધી અંદર આવવાની મંજૂરી મળી છે

(2:15 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST

  • એરપોર્ટ, હોસ્પિટલો અને બેન્કીંગ સહિત ૫ થી ૭ ક્ષેત્રોમાં ગેમ ચેન્જર સાબિત થાય તેવા મોટા ફેરફારો આવી રહ્યા છે : ગેમ ચેન્જર સાબિત થાય તેવી ૫ થી ૭ નવી નીતિઓ ઘડવા ઉપર નાણામંત્રાલય રાત - દિવસ કામ કરી રહ્યાનું પણ જાણવા મળે છે : જેમાં એરપોર્ટો - હોસ્પિટલો, લોજીસ્ટીકસ અને ઈવીનો સમાવેશ થતો હોવાનું ન્યુઝ ફર્સ્ટ જણાવે છે : બેન્કીંગ સેકટર માટે નવા નિયમો ઉપર પણ નાણામંત્રાલય કામ કરી રહેલ છે : બેન્કીંગ સેકટરમાં બેન્કો વચ્ચેના વધુ જોડાણો અને ખાનગીકરણની દિશામાં પગલા લેવાઇ રહ્યાનું પણ જાણવા મળે છેઃ ન્યુઝ ફર્સ્ટના અહેવાલ પ્રમાણે આગામી અંદાજપત્રમાં આ જાહેરાતો થવાની સંભાવના છે access_time 3:08 pm IST

  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST