Gujarati News

Gujarati News

News of Monday, 25th January 2021

ભારતની સ્પષ્ટ વાતઃ ચીને પાછળ હટવુ જ પડશે

ભારત-ચીન વચ્ચે મોલ્ડોમાં ૧૫ કલાક ચાલી ૯માં દોરની વાતચીત

નવી દિલ્હી, તા.૨૫: ભારત અને ચીન વચ્ચે ચાલી રહેલ વિવાદ વચ્ચે રવિવારે ભારત અને ચીન વચ્ચે ૯મી દોરની વાતચીત મોડી રાતે અઢી વાગ્યા સુધી ચાલી. ૧૫ કલાક ચાલેલી આ મેરેથોન વાતચીત ઈસ્ટર્ન લદ્દાખ સ્થિત ચુશુલ સેકટરના મોલ્ડોમાં થઈ. વાતચીતમાં મુખ્ય રીતે બંને દેશો પોતાની સેનાઓને એલએસી પર પાછળ હટવા અંગે વાતચીત કરવામાં આવી. તમને જણાવી દઈએ કે બેઠક પહેલા જ એરચીફ માર્શલે ચીનને કહી દીધુ હતુ કે ભારતને પણ આક્રમક થતા આવડે છે પરંતુ વાતચીત પહેલા સમસ્યાનો ઉકેલ ઈચ્છે છે.

આ પહેલા ૬ નવેમ્બર ૨૦૨૦એ બંને દેશોની સેનાઓ વચ્ચે બેઠક થઈ હતી. આ બેઠકમાં પણ મુખ્ય રીતે નિશ્ચિત ક્ષેત્રથી સેનાને પાછળ હટવા માટે વાતચીત થઈ હતી. ઉલ્લેખનીય છે કે ભારત અને ચીન વચ્ચે લગભગ ૯ મહિનાઓથી તણાવની સ્થિતિ બનેલી છે. બંને દેશો તરફથી લદ્દાખમાં સેના અને હથિયાલોની ભારે તૈનાત કરવામાં આવ્યા છે. ભારત તરફથી આર્ટિલરી ગન, ટેંક સહિત તમામ હથિયારો સીમા પર તૈનાત રાખ્યા છે પરંતુ તે શાંતિથી જ સીમા વિવાદને ઉકેલવાની કોશિશોમાં લાગેલુ છે.

LAC પર ચીને પોતાના સૈનિકોની સંખ્યા વધારી પરંતુ ચીની પક્ષ વારંવાર સમજૂતીનુ ઉલ્લંઘન કરીને ભરોસોના નબલો કરી રહ્યો છે. હવે ચીનને સપ્ટેમ્બરમાં ભારત સાથે થયેલ સમજૂતીનુ ઉલ્લંઘન કર્યુ છે. ઈન્ડિયા ટુડેના સમાચાર મુજબ પૂર્વ લદ્દાખમાં ચીની સેના અમુક મહિનાઓમાં વાસ્તવિક નિયંત્રણ રેખા(LAC) પર તણાવવાળા ક્ષેત્રોમાં ચીને પોતાના સૈનિકોની સંખ્યા વધારી છે. જયારે ચાર મહિના પહેલા સપ્ટેમ્બરમાં ચીને ખુદ જ પ્રસ્તાવ આપ્યો હતો કે બંને પક્ષોનો તણાવ દ્યટાડવા માટે સંઘર્ષવાળા ક્ષેત્રમાં વધુ સૈનિકો ન મોકવા જોઈએ. હાલમાં ચીનની આ હરકત બાદ ભારતીય સેના પણ સંપૂર્ણપણે સતર્ક છે. ભારતીય સેનાએ પણ પોતાની સ્થિતિમાં પરિવર્તન કર્યુ છે.

'આપણે વાતચીતના માધ્યમથી આ મુદ્દાનો ઉકેલ કાઢીશુ'.

(12:47 pm IST)
  • ૧ લી ફેબ્રુઆરી બજેટના દિવસે દિલ્હીમાં સંસદ ભવન પર કૂચ લઈ જશે કિસાનો આવતીકાલની કિસાન રેલી પહેલાં મોટી જાહેરાત: પહેલી ફેબ્રુઆરીએ બજેટના દિવસે જ સંસદ ભવન કૂચ લઈ જવાની ખેડૂત નેતાઓની જાહેરાત : આ દિવસે કેવી રીતે ક્યાં જવાનું છે તે અમે 28 જાન્યુઆરીએ નક્કી કરશું: દર્શન પાલ, ક્રાંતિકારી કિસાન યુનિયનની જાહેરાત access_time 8:15 pm IST

  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST

  • ગુજરાતમાં કોંગ્રેસના ઓબ્ઝર્વર તરીકે છત્તીસગઢના ગૃહમંત્રીની નિમણૂંક : છત્તીસગઢના હોમ મિનિસ્ટર તામ્રધ્વજસિંહની ગુજરાતના ઓબ્ઝર્વર તરીકે કોંગ્રેસ નેતાગીરીએ નિમણૂક કરી છે access_time 5:04 pm IST