Gujarati News

Gujarati News

News of Monday, 25th January 2021

LAC પર ભારત - ચીન ફરી આમને - સામને : ચીનના ૨૦થી વધુ સૈનિકોને ઇજા : ભારતીય સેનાએ આપ્યો જડબાતોડ જવાબ

નવી દિલ્હી તા. ૨૫ : ભારત અને ચીન વચ્ચે LAC પર ફરી ઘર્ષણ થયું હોવાના અહેવાલ પ્રાપ્ત થયા છે. જેમાં ચીનના ૨૦ જેટલા સૈનિકો ઘાયલ થયા હોવાની માહિતી સામે આવી છે.

સૂત્રોને મળતી માહિતી અનુસાર પૂર્વી લદ્દાખમાં લાઇન ઓફ કંટ્રોલ એકચુએલ કંટ્રોલ (LAC) પર તણાવની વચ્ચે સિક્કીમમાં ભારત અને ચીનની સેનાની વચ્ચે ટકરાવ જોવા મળ્યો છે.

જો કે પ્રાપ્ત મળતી માહિતી અનુસાર ત્રણ દિવસ પહેલા સિક્કીમના કૂલામાં ચીનની સેનાએ LACની યથાસ્થિતિ ને બદલવાનો પ્રયત્ન કર્યો હતો અને તેના કેટલાંક સૈનિકો ભારત તરફ આગળ વધવાનો પ્રયત્ન કરી રહ્યાં હતા. આ દરમિયાન ભારતીય સૈનિકોએ ચીનના સૈનિકોને રોકી દીધા હતા.ત્રણ દિવસપહેલા કૂલામાં ભારત અને ચીનના સૈનિકો વચ્ચે અથડામણ થઇ હોવાના અહેવાલ પ્રાપ્ત થયા છે. જેમાં ૪ ભારતીય અને ૨૦ ચીનના સૈનિકો ઘાયલ થયા છે. ભારતીય જવાનોએ ચીનના સૈનિકોને પાછા ખદેડી દીધા હતા. જો કે અત્યારે પણ સ્થિતિણ તણાવપૂર્ણ છે, પરંતુ સ્થિર હોવાનું જાણવા મળેલ છે.

ભારતીય સેનાના એક વરિષ્ઠ અધિકારીના જણાવ્યાં અનુસાર ભારતીય ક્ષેત્રના બધા પોઇન્ટ પર મોસમની સ્થિતિ ખરાબ હોવા છતા સુરક્ષા વ્યવસ્થા પર કડક નજર રાખવામાં આવી રહી છે.

ઉલ્લેખનીય છે કે LAC પર છેલ્લા ઘણા મહીનાથી તણાવ જોવા મળી રહ્યો છે. ૧૫ જૂનના રોજ પૂર્વી લદ્દાખના ગલવાન ઘાટીમાં ચીનના સૈનિકો અને ભારતના જવાન વચ્ચે અથડામણ જોવા મળી હતી. આ દરમિયાન ૨૦ ભારતીય જવાન શહીદ થયા હતા, જયારે ચીનની સેનાના કેટલાક અધિકારી-જવાનનોનું પણ મૃત્યું થયું હતું, પરંતુ ચીનના સૈનિકો આજ સુધી આ અંગે કોઇ સત્ત્।ાવાર પુષ્ટી કરી નથી.

(12:47 pm IST)
  • સૌરાષ્ટ્ર-કચ્છ ટાઢાબોળઃ ગિરનાર ર.૮, નલીયા ૪.૧ ડીગ્રી :જુનાગઢ ૭.૮, જામનગર ૮.પ, કેશોદ-૮.૮, રાજકોટ ૧૦.૬ ડીગ્રી લઘુતમ તાપમાનઃ ફરી ઠંડીનો રાઉન્ડ access_time 11:46 am IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST

  • અર્ણવે મને લાખો રૂપિયા આપ્યા હતા: પાર્થો દાસગુપ્તાનો ધડાકો ટી,આરપીમાં ગોલમાલ કરવા અને રિપબ્લિક ને નંબર વન બનાવવા માટે અર્ણવએ મને 12000 અમેરિકન ડોલર અને 40 લાખ રૂપિયા આપ્યા હતા: બીએઆરસી ના પૂર્વ સીઈઓ પાર્થ દાસગુપ્તાનો વિસ્ફોટ access_time 8:16 pm IST