Gujarati News

છત્તીસગઢના જશપુર જિલ્લામાં જંગલી હાથીને વૃદ્ધ દંપતી પર હુમલો કર્યો હતો. આ હુમલામાં પતિનું મોત થયું હતું જ્યારે પત્નીનો આબાદ બચાવ થયો હતો. જશપુર જિલ્લાના વનવિભાગના અધિકારીએ શનિવારે જણાવ્યું હતું કે, જશપુર વન રેન્જ અંતર્ગત તપકરા જંગલ વિસ્તારમાં આવેલા સાગજોર ગામ નજીક જંગલ હાથીએ એક દંપતી ઉપર હુમલો કર્યો હતો

આ હુમલામાં 55 વર્ષીય આનંદ પ્રકાશનું ઘટના સ્થળે જ મોત નીપજ્યું હતું. જ્યારે હાથીના હુમલા દરમિયાન આનંદની પત્નીનો આબાદ બચાવ થયો હતો

અધિકારીઓના જણાવ્યા પ્રમાણે મહિલા પોતાના બીમાર પતિ આનંદ પ્રકાશને હોસ્પિટલ લઈ જવા માટે રોડ પાસે બસની રાહ જોઈ રહી હતી.