Gujarati News

Gujarati News

News of Tuesday, 24th November 2020

દેશની પ્રથમ સ્વદેશી કોરોના રસી અમદાવાદ પહોંચી : સોલા સિવિલમાં 1000 લોકો પર ટ્રાયલ થશે

તંત્રએ ટ્રાયલ માટે વોલન્ટિયર્સ પણ શોધી લીધા :કો-વેક્સિન એક સપ્તાહ સુધી સોલા સિવિલમાં પ્રિઝર્વ રહેશે:

અમદાવાદ : ભારત સહીત સમગ્ર વિશ્વમાં કોરોના મહામારી એ કહેર વર્તાવ્યો છે ત્યારે ભારતની પ્રથમ સ્વદેશી કોવિડ વેક્સિન ટ્રાયલ માટે ગુજરાતની સોલા સિવિલ હોસ્પિટલમાં આવી છે. આ વેક્સિની ટ્રાયલ સોલામાં 1 હજાર લોકો પર થશે. હોસ્પિટલ તંત્રએ ટ્રાયલ માટે વોલન્ટિયર્સ પણ શોધી લીધા છે. Bharat Biotech Covax

કોરોના વાઇરસ સામે લડવા માટે ભારત બાયોટેકની કો-વેક્સિનનું ત્રીજા તબક્કામાં ટ્રાયલ શરૂ થઇ ગયું છે. આ વેક્સિન ગુજરાતના સોલા સિવિલ હોસ્પિટલમાં પહોંચી ગઇ છે. કો-વેક્સિન એક સપ્તાહ સુધી સોલા સિવિલમાં પ્રિઝર્વ રહેશે. નિયત પ્રક્રિયા પૂર્ણ થયા બાદ કોવેક્સિનની ટ્રાયલ શરૂ થશે. પ્રાથમિક તબક્કે 1 હજાર લોકો પર ટ્રાયલ કરવામાં આવશે.

ભારત બાયોટેકના ક્વોલિટી ઓપરેશન્સના પ્રેસિડન્ટ સાઇ ડી પ્રસાદે જણાવ્યું હતું કે વર્લ્ડ હેલ્થ ઓર્ગેનાઇઝેશન (WHO), યુનાઇટેડ સ્ટેટ્સ ફૂડ એન્ડ ડ્રગ એડમિનિસ્ટ્રેશન (USFDA) અને ભારતના સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO)ના માપદંડ મુજબ આ રસી ઓછામાં ઓછી 50 ટકા અસરકારક હોવી જોઈએ.

કંપનીએ જણાવ્યું હતું કે હવે 60 ટકાની અસરકારકતા સાથે તેણે લઘુત્તમ માપદંડને પાર કરી લીધો છે અને હવે તે અસરકારકતાનો દર વધુ ઊંચે લઈ જવા માંગે છે. અમારા ટ્રાયલ્સના પરિણામો મુજબ આ રસી હવે 50 ટકાથી ઓછી અસરકારક રહે તેવી સંભાવના ઓછી છે

ભારત બાયોટેકે જણાવ્યું હતું કે જરૂરી મંજૂરીઓ મળ્યા પછી રસી 2021ના મધ્યાંતરમા લાવવાનું ધ્યેય છે. કંપનીએ જણાવ્યું હતું કે જો અમને પ્રયોગાત્મક પુરાવા અને આંકડા, અસરકારકતા અને અમારા છેલ્લા ટ્રાયલ્સના સલામતીના આંકડાના આધારે આધારે જરૂરી મંજૂરીઓ મળી જાય તો અમે 2021ના બીજા ક્વાર્ટરમાં રસી લોન્ચ કરવાનું ધ્યેય ધરાવીએ છીએ.

(8:11 pm IST)
  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • કેન્દ્રીય કર્મચારીઓને આવતા વર્ષના જુલાઈથી મો. ભથ્થામાં વધારો મળશેઃ જુલાઈમાં તે ૪ ટકા વધશેઃ હાલ તે ફ્રીઝ થયેલ છેઃ ૧૭ ટકા હતુ જે વધીને ૨૧ ટકા થશે access_time 3:48 pm IST