Gujarati News

Gujarati News

News of Tuesday, 24th November 2020

97 વર્ષના સ્વાતંત્ર્ય સેનાનીનું પેનશન હજુ સુધી મંજુર નહીં કરવા બદલ મદ્રાસ હાઇકોર્ટે કલેકટર તથા તહેસીલદારનો ઉધડો લીધો : અવારનવાર આ જગ્યાએથી સૂચનાઓ અપાયા છતાં અધિકારી બાબુઓ અમલ કરતા નથી : આપણે જે સ્વતંત્રતાનો સ્વાદ માણીએ છીએ તે આ સ્વાતંત્ર્ય સેનાનીઓને આભારી છે : નામદાર જજે સરકાર વતી બુઝર્ગ સ્વાતંત્ર્ય સેનાનીની માફી માંગી તેમને તાત્કાલિક ન્યાય મળે તે માટે સરકારી અધિકારીઓને હુકમ કર્યો

મદ્રાસ : 97 વર્ષના એક સ્વાતંત્ર્ય સેનાનીએ વર્ષો સુધી ધક્કા ખાધા પછી પણ કોઈને કોઈ બહાના હેઠળ વાંધા વચકા કાઢી  પેનશન હજુ સુધી મંજુર નહીં થતા તેણે મદ્રાસ હાઇકોર્ટના દ્વાર ખખડાવ્યા હતા.

બુઝર્ગ સ્વાતંત્ર્ય સેનાનીને આટલા વર્ષો સુધી પેનશન મંજુર નહીં કરાતા નામદાર જજે ડીસ્ટ્રીકટ કલેકટર તથા તહેસીલદારનો  ઉધડો લીધો હતો.તથા જણાવ્યું હતું કે   અવારનવાર આ જગ્યાએથી સૂચનાઓ અપાયા છતાં અધિકારી બાબુઓ અમલ કરતા નથી તે બાબત શરમજનક છે . આ બાબુઓ રાજ્ય સરકાર તથા કેન્દ્ર સરકારની સ્વાતંત્ર્ય સેનાનીઓને આપવાના થતા પેંશનનની પોલિસી સમજવાની કોશિશ કરતા નથી અને તુમારશાહી વચ્ચે તેઓની માંગણી વર્ષો સુધી અટવાઈ રહે છે.

97 વર્ષની વ્યક્તિને હાઇકોર્ટમાં અરજી કરવી પડે તે બાબત ખુબ જ દુઃખદ છે.નામદાર જજે  સરકારી અધિકારીઓને જણાવ્યું હતું કે આપણે જે સ્વતંત્રતાનો સ્વાદ માણીએ છીએ તે આ સ્વાતંત્ર્ય સેનાનીઓની નિસ્વાર્થ દેશસેવાને આભારી છે તે ભૂલવું ન જોઈએ.

નામદાર કોર્ટે તાત્કાલિક આ સેનાનીને ન્યાય આપવા કલેકટર તથા તહેસીલદારને હુકમ કર્યો હતો.તેવું બી.એન્ડ બી.દ્વારા જાણવા મળે છે.

(12:41 pm IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST