Gujarati News

નવી દિલ્હીઃ પ્રતિબંધીત અલગતાવાદી ગ્રુપ શીખ્સ ફોર જસ્ટીસ (એસએફજે) પોતાના ભારત વિરોધી એજન્ડાને યેનકેન પ્રકારે લોકો સુધી ફેલાવવા માટેના સતત પ્રયત્નો કરી રહ્યું છે. હવે આ ગ્રુપ ઓકટોબર ૩૧, ભૂતપૂર્વ વડાપ્રધાન ઈન્દીરા ગાંધીના મૃત્યુ દિને ખાલીસ્તાની ઝંડાઓ ફરકાવવા માટે વિદ્યાર્થીઓને આઈફોન- ૧૨ આપવાની જાહેરાત કરી રહ્યું છે.

એસએફજે એ વિદ્યાર્થીઓને ૩૧ ઓકટોબરે શાળા- કોલેજો અને યુનિવર્સીટીઓમાં ખાલીસ્તાની ધ્વજ ફરકાવવા કહ્યું હોવાના ઈનપુટ મળતા કેન્દ્રીય એજન્સીઓએ પંજાબને એલર્ટ કર્યું છે.

ઈન્દીરા ગાંધીના હત્યારા બીઅંતસિંહના ૩૬માં મૃત્યુદિને લોકોને ઉશ્કેરવા માટે એસએફજેએ આ નવી ટેકનીક અપનાવી છે. આઈ.બી.અને. અને એન.આઈ.એ.ને એસ.એફ.જે.ના પગલાના ઈનપુટ તેના જનરલ કાઉન્સેલ ગુરપતવંત સીંઘ પન્નુ વીડીયોમાંથી મળ્યા છે. જેમાં કહેવાયું છે કે વિદ્યાર્થીઓને આઈફોન-૧૨મીથી આપવામાં આવશે. જેમાં પંજાબ રેફરન્ડમ એપ અને એસએફજે વોટર્સ રજીસ્ટ્રેશન ડેટાબેઝની વીપીએન પહેલાથી ઈન્સ્ટોલ કરાયેલ હશે.