Gujarati News

Gujarati News

News of Friday, 23rd October 2020

બિહારમાં ગંગાનદીના ધસમસતા પાણીના પ્રવાહમાં 5 વર્ષ પહેલા બનેલી શાળા તણાઇ

શાળાનો ભાગ નદીના વહેણમાં વહી ગયો: ચૂંટણીને કારણે અધિકારીઓ વ્યસ્ત

બિહારના ભાગલપુરમાં ભાગલપુરમાં ગંગા નદી તબાહી મચાવી રહી છે.5 વર્ષ પહેલાં જ બનાવવામાં આવેલી એક પ્રાથમિક વિદ્યાલય પાણીના તેજ પ્રવાહને કારણે જમીન દોસ્ત થઇ ગઇ અને શાળાનો ભાગ નદીના વહેણમાં વહી ગયો.ગંગા નદીના રોદ્ર રૂપ જોઇને ગામના લોકો ભયના ઓથા હેઠળ જીવી રહ્યા છે.ગામના લોકોએ કહ્યું છે કે ચૂંટણીને કારણે અધિકારીઓ વ્યસ્ત છે. અમારી વ્યથા સાંભળવા કોઇ તૈયાર નથી .બિહારમાં અન્ય એક શાળા તો આખી ગંગામાં સમાઇ ગઇ હતી.પાણીના પ્રંચડ પ્રવાહ સામે ગામના લોકો પણ લાચાર થઇ ગયા છે.

ભાગલપુર સબૌર પ્રખંડના ફરકા પંચાયત અંતગર્ત આવતા ઇંગ્લિશ ગામમાં ગંગા નદીના ધસમસતા પ્રવાહને કારણે ધોવાણ ચાલું છે.જેના પ્રવાહમાં પ્રાથમિક વિદ્યાલય શાળાનો અડધો ભાગ પાણીના પ્રવાહમાં તણાઇ ગયો છે. આ શાળા હજુ તો પાંચ વર્ષ પહેલાં જ બનાવવામાં આવી હતી.તો બીજી તરફ બિહારના રામનગરના દિયારામાં આવેલી એક શાળા તો આખે આખી ગંગાના પ્રવાહમાં સમાઇ ગઇ છે.

બિહારમાં હવે આવતા સપ્તાહમાં વિધાનસભાની ચૂંટણી છે અને રાજકારણીઓ અને અધિકારીઓ બધા ચૂંટણીમાં વ્યસ્ત છે એટલે શાળા તણાઇ કે લોકો તણાઇ મગરની ચામડી ધરાવતા આ લોકોને કોઇ ફરક પડતો નથી.ગામના લોકો કહે છે કે અમે એટલી મુશ્કેલીઓ ભોગવી રહ્યા છે પણ અમારી વ્યથા સાંભળવાનો કોઇની પાસે સમય નથી.

બાળકોના ભવિષ્ય માટે બનાવવમાં આવેલા શિક્ષા મંદિર ગંગા નદીના ધસમસતા પ્રવાહને કારણે જમીનદોસ્ત થઇ રહ્યા છે.ગત સપ્તાહમાં રાજંદીપુર પંચાયતની પ્રાથમિક વિદ્યાલય,મોહદીપુર લાલૂચુકની પ્રાથમિક વિદ્યાલય પણ નદીના તેજ પ્રવાહને કારણે તુટી પડી હતી.

(12:28 am IST)
  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST