Gujarati News

Gujarati News

News of Saturday, 24th October 2020

અર્થવ્યવસ્થા એ કોઈ સર્કસનો સિંહ નથી જે રિંગમાસ્ટરના ઈશારે નાચશે: પી, ચિદમ્બરમ

આરબીઆઈ ગવર્નર, સેબી અધ્યક્ષ અને ડીઈએ સચિવને એક જ વિષય પર એક જ દિવસે બોલવું જોઇએ.

નવી દિલ્હી : અર્થવ્યવસ્થાને ફરી પાટા પર લાવવાના કેન્દ્ર સરકારના તમામ દાવા પર પૂર્વ નાણામંત્રી પી ચિદમ્બરમ ખૂબ વરસ્યા છે તેમણે કહ્યું, અર્થવ્યવસ્થા ઘણી હદ સુધી બજાર પર નિર્ભર છે અને આ માગ અને પૂરવઠાના સિદ્ધાંતો પર કામ કરે છે. જ્યાં સુધી સરકાર ગરીબોના ખિસ્સામાં પૈસા નાખશે નહીં અને ગરીબોને ભોજન મળશે નહીં, ત્યાં સુધી અર્થવ્યવસ્થા ફરી જીવિત થશે નહીં.

તેમણે એવું પણ કહ્યું કે RBI ગવર્નર અને સેબીના અધ્યક્ષ નાણામંત્રીને જણાવે કે મોટાભાગના લોકોની પાસે કશુ પણ ખરીદવા માટે પૈસા નથી.

ચિદમ્બરમે સરકારની મજાક ઉડાવતા કહ્યું કે, શું આ રસપ્રદ નથી કે આરબીઆઈ ગવર્નર, સેબી અધ્યક્ષ અને ડીઈએ સચિવને એક જ વિષય પર એક જ દિવસે બોલવું જોઇએ. આ ત્રણેયે અર્થવ્યવસ્થા પર વાત કરવાની કોશિશ તો કરી છે. અર્થવ્યવસ્થા એક સર્કસનો સિંહ નથી જે રિંગમાસ્ટરના ઈશારે નાચશે. આ પહેલા ભારતીય રિઝર્વ બેંક ઓફ ઈન્ડિયાના ગવર્નર શક્તિકાંત દાસે કહ્યું કે ભારતીય અર્થવ્યવસ્થા હવે ફરીથી ચાલવાની સ્થિતિમાં આવી ગઇ છે.

એક કાર્યક્રમમાં બોલતા તેમણે કહ્યું કે, એ ખૂબ જ અગત્યનું છે કે નાણાકીય સંસ્થાઓની પાસે વિકાસને આગળ વધારવા માટે પર્યાપ્ત પૂંજી હોય. આમાંથી ઘણાં પહેલાથી જ પૈસા ભેગા કરી ચૂક્યા છે, જ્યારે અન્ય પણ આવું કરવાની યોજના બનાવી રહ્યા છે. તેમણે કહ્યું કે, મહામારીના ખતમ થયા પછી સરકારે દેશ માટે એક રાજકોષીય રોડમેપ તૈયાર કરવાનો રહેશે.

(12:07 am IST)
  • હાઈવેની બાજુમાં જ રેલવે લાઈનઃ સરકાર બનાવી રહી છે એક મોટો પ્લાન : ૨૦૨૫ સુધીમાં કેન્દ્ર સરકાર જે નવા હાઈવે બનાવી દેવા માગે છે તેમાં અમદાવાદ- ધોલેરા, કાનપુર- લખનઉ, અમૃતસર- ભટિંડા- જામનગર, હૈદરાબાદ- રાયપુર, નાગપુર- વિજયવાડાનો પણ સમાવેશ થાય છે access_time 3:37 pm IST

  • ' આલે....લે " : ઉત્તર પ્રદેશમાં 1 કરોડ 9 લાખ ગ્રાહકો એવા છે કે જેમણે ક્યારેય વીજળીનું બિલ ભર્યું જ નથી : આ ગ્રાહકો પૈકી 96 ટકા ગ્રામ્ય વિસ્તારના છે જેમની પાસે અધધ...68 હજાર કરોડ રૂપિયા લેવાના બાકી છે : યુ .પી.પાવર કોર્પોરેશન લિમિટેડના ચેરમેને ટ્વીટર ઉપર આપી માહિતી access_time 1:33 pm IST

  • ભારત 30મીએ વુહાન મોકલશે ફ્લાઇટ : વંદે ભારત મિશન અંતર્ગત ચીન જનાર એરઇન્ડિયાની હશે છઠી ઉડાન : ચીનના વુહાન શહેરમાં પહેલીવાર કોરોના સંક્રમણનો કેસ સામે આવ્યો હતો : એરઇન્ડિયાની 30 ઓક્ટોબરે ઉડાંનું સંચાલન કરશે : બેઇજિંગ સ્થિત ભારતીય દૂતાવાસની જાહેરાત access_time 1:06 am IST