Gujarati News

Gujarati News

News of Saturday, 24th October 2020

પહેલા આપણે જાતિ અને ધર્મનાં નામે વહેંચાતા, હવે રસીનાં નામે વહેંચી રહ્યા છીએ : સંજય રાઉતના પ્રહાર

અગાઉ વડા પ્રધાને કહ્યું હતું કે દરેકને રસી મળશે. પરંતુ હવે શું કોઈ નવી સિસ્ટમ બનાવી છે ??

મુંબઈ :  બિહાર વિધાનસભાની ચૂંટણી માટે તમામ પક્ષો પૂરજોર તૈયાર કરી રહ્યા છે. રાજકીય પક્ષો મતદારોને રિઝવવા માટે ઘણા મોટા વચનો આપી રહ્યા છે.ભાજપે નાણાં પ્રધાન નિર્મલા સીતારમણની હાજરીમાં પોતાનો ઘોષણા પત્ર જાહેર કર્યો છે. ત્યારબાદથી વિરોધી પક્ષો ભાજપ પર નિશાન તાકી રહ્યા છે.

 ભાજપાએ  મફત કોરોના રસી આપવાનું કહ્યું છે. જેને લઇને શિવસેનાનાં નેતા સંજય રાઉતે ભાજપ પર નિશાન સાધ્યું છે. તેમણે કહ્યું છે કે, જ્યારે અમે બાળકો હતા ત્યારે એક ઘોષણા કરવામાં આવી હતી, ‘તમે મને લોહી આપો, હું તમને આઝાદી આપીશ.’ હવે હું એક નવી જાહેરાત જોઈ રહ્યો છું, ‘તમે મને મત આપો, અમે તમને રસી આપીશું,’

તેમણે વધુમાં કહ્યું કે, ‘પહેલા આપણે જાતિ અને ધર્મનાં નામે વહેંચાતા હતા, હવે આપણે રસીનાં નામે વહેંચી રહ્યા છીએ. ભાજપનાં રાષ્ટ્રીય અધ્યક્ષ જે.પી.નડ્ડા, આરોગ્ય પ્રધાન ડો.હર્ષ વર્ધન અને વડા પ્રધાન મોદીનાં નામ લેતાં તેમણે કહ્યું કે, તમારે સ્પષ્ટતા કરવી જોઈએ. કારણ કે અગાઉ વડા પ્રધાને કહ્યું હતું કે દરેકને રસી મળશે. પરંતુ હવે શું કોઈ નવી સિસ્ટમ બનાવી રહ્યા છો કે જ્યાં ભાજપ સરકાર હશે ત્યાં કોરોના રસી મળશે. તે સંશોધનનો વિષય છે.

(12:00 am IST)
  • ' આલે....લે " : ઉત્તર પ્રદેશમાં 1 કરોડ 9 લાખ ગ્રાહકો એવા છે કે જેમણે ક્યારેય વીજળીનું બિલ ભર્યું જ નથી : આ ગ્રાહકો પૈકી 96 ટકા ગ્રામ્ય વિસ્તારના છે જેમની પાસે અધધ...68 હજાર કરોડ રૂપિયા લેવાના બાકી છે : યુ .પી.પાવર કોર્પોરેશન લિમિટેડના ચેરમેને ટ્વીટર ઉપર આપી માહિતી access_time 1:33 pm IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • પાંચ ટીવી ચેનલોને જાહેર માફી પ્રસારીત કરવા NBSA દ્વારા આદેશ: સુશાંતસિંઘ રાજપૂતના મૃત્યુના સમાચાર પ્રસિદ્ધ કરવા સમયે પત્રકારિત્વના નિયમોનું ઉલ્લંઘન કરવા માટે આજતક, ઝીન્યૂઝ, ઇન્ડિયાટીવી અને અને ન્યૂઝ ૨૪ ને માફી પ્રસારિત કરવા ન્યૂઝ બ્રોડકાસ્ટીંગ સ્ટાનડર્ડ ઓથોરિટી (એનબીએસએ) એ આદેશ આપ્યા access_time 1:04 pm IST