Gujarati News

યમન તા. ૨૪ : યુએન ફૂડ બોડીના વડા ડેવિડ બીસલીએ ચેતવણી આપી છે કે યમનમાં ૧૬ મિલિયન લોકો ભૂખમરાની આરે છે. જો ફરી ભંડોળ ન મળે તો ઓક્‍ટોબરમાં યુદ્ધગ્રસ્‍ત દેશમાં લાખો લોકો માટે રાશન કાપવામાં આવશે, એમ તેમણે જણાવ્‍યું હતું.
ડેવિડ બીસલીએ યમનની માનવતાવાદી કટોકટી પર એક ઉચ્‍ચ સ્‍તરીય બેઠકમાં જણાવ્‍યું હતું કે આ વર્ષના પ્રારંભમાં જયારે યુએસ, જર્મની, યુએઈ, સાઉદી અરેબિયા અને અન્‍ય દાતાઓ આગળ આવ્‍યા હતા જયારે વર્લ્‍ડ ફૂડ પ્રોગ્રામ ભંડોળના અભાવનો સામનો કરી રહ્યો હતો, જેના કારણે દુકાળ પડ્‍યો હતો. દુર્ઘટના ટાળી શકાય તેમ હતી.
તેમણે કહ્યું કે વર્લ્‍ડ ફૂડ પ્રોગ્રામ ફરી એક વખત ભંડોળની અછતનો સામનો કરી રહ્યો છે અને આવી સ્‍થિતિમાં ઓક્‍ટોબરમાં ૩૨ લાખ લોકો અને ડિસેમ્‍બર સુધીમાં ૫૦ લાખ લોકો માટે રાશન કાપવામાં આવશે.
માર્ચમાં, યુએનના મહાસચિવ એન્‍ટોનિયો ગુટેરેસે આ વર્ષે યમન માટે ૩.૮૫ અબજ ડોલરની સહાયની અપીલ કરી હતી, પરંતુ દાતાઓએ માત્ર ૧.૭ અબજ ડોલરનું વચન આપ્‍યું હતું. ગુટેરેસે તેને નિરાશાજનક ગણાવ્‍યું.