Gujarati News

Gujarati News

News of Thursday, 24th September 2020

૨૦૨૦માં દેશના અર્થતંત્રને નુકસાનની અસર કાયમી હશે

યુએન કોન્ફરન્સ ઓન ટ્રેડ એન્ડ ડેવલપમેન્ટનો રિપોર્ટ : ૨૦૨૦માં વૈશ્વિક અર્થતંત્રમાં ૪.૩ ટકા ઘટાડો જોવાશે

સંયુક્ત રાષ્ટ્ર,તા.૨૪ : કોરોના મહામારીને કારણે ૨૦૨૦માં ભારતના અર્થતંત્રમાં ૫.૯ ટકાનો ઘટાડો જોવા મળશે  તેમ યુનાઇટેડ નેશન્સે પોતાના અહેવાલમાં જણાવ્યું છે. આ અહેવાલમાં ચેતવણી આપવામાં આવી છે કે ભારતનો જીડીપી આગામી વર્ષે વધી જશે પણ ૨૦૨૦માં અર્થતંત્રમાં થયેલા ઘટાડાથી થયેલા નુકસાનની અસર કાયમી રહેશે. UN કોન્ફરન્સ ઓન ટ્રેડ એન્ડ ડેવલોપમેન્ટ દ્વારા જારી કરાયેલા ટ્રેડ એન્ડ ડેવલોપમેન્ટ રિપોર્ટ, ૨૦૨૦માં જણાવવામાં આવ્યું છે કે કોરોના મહામારીને કારણે સમગ્ર વિશ્વ મંદીમાંથી પસાર થઇ રહ્યું છે. અહેવાલ અનુસાર ૨૦૨૦માં વૈશ્વિક અર્થતંત્રમાં ૪.૩ ટકાનો ઘટાડો જોવા મળશે. UNCTADના જણાવ્યા અનુસાર ૨૦૨૦માં દક્ષિણ એશિયાના અર્થતંત્રમાં ૪.૮ ટકાનો ઘટાડો જોવા મળશે. જો કે ૨૦૨૧માં દક્ષિણ એશિયાના અર્થતંત્રમાં ૩.૯ ટકાની રિકવરી જોવા મળશે. આ અહેવાલમાં જણાવવામાં આવ્યું છે કે ૨૦૨૦માં ભારતના જીડીપીમાં ૫.૯ ટકાનો ઘટાડો જોવા મળશે જ્યારે ૨૦૨૧માં જીડીપીમાં ૩.૯ ટકાની રિકવરી જોવા મળશે. આ અહેવાલમાં જણાવવાં આવ્યું છે કે કોરોના વાઇરસનું સંક્રમણ અટકાવવા માટે ભારતમાં લાદવામાં આવેલા કડક લોકડાઉનને કારણે મોટા ભાગની આર્થિક પ્રવૃત્તિઓ બંધ થઇ જતાં ૨૦૨૦માં ભારતમાં  મંદી જોવા મળી રહી છે. UNCTAD મુજબ ૨૦૨૦માં અમેરિકાના અર્થતંત્રમાં ૫.૪ ટકાનો ઘટાડો જોવા મળશે જ્યારે ૨૦૨૧માં અમેરિકાના જીડીપીમાં ૨.૮ ટકાની રિકવરી જોવા મળશે. આ અહેવાલ મુજબ ચીનના જીડીપીમાં ચાલુ વર્ષે ૧.૩ ટકા અને ૨૦૨૧મા ૮.૧ ટકાની વૃદ્ધિ જોવા મળશે. જે સમગ્ર વિશ્વમાં સૌથી વધારે હશે. વિકાસશીલ દેશોમાં ૯ થી ૧૨ કરોડ લોકો અત્યંત ગરીબીમાં ધકેલાઇ જશે અને ૩૦ કરોડ લોકોને ખાદ્ય અસલામતીનો સામનો કરવો પડશે.

(9:04 pm IST)
  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • 2 લાખ જેટલા વિદ્યાર્થીઓ માટે રાહતના સમાચારઃ ધો-12ની પૂરક પરીક્ષાને લઇ CBSEનું કોર્ટમાં નિવેદન, પરિણામ 10 ઓક્ટોબર સુધીમાં આવશે, 31 ઓક્ટોબર સુધી કોલેજમાં એડમિશન લઇ શકાશે access_time 4:26 pm IST