Gujarati News

Gujarati News

News of Thursday, 24th September 2020

આસામમાં અભ્યાસક્રમ ૩૦ ટકા સિલેબસ ઘટાડાયો પણ

નહેરૂ-મંડલ પંચ -અયોધ્યા -ગુજરાત-શિખ રમખાણો વગેરે ટોપિકની બાદબાકી

ગૌરતી,તા. ૨૪: કોરોના મહામારીના લીધે કેન્દ્રની સાથે સાથે ઘણી રાજ્ય સરકારોએ રાજ્ય શિક્ષણ બોર્ડને પોતાનો પાઠ્યક્રમ ઘટાડવા અંગે કહ્યું છે. જેથી વિદ્યાર્થીઓને અભ્યાસમાં થયેલ નુકસાનની ભરપાઇ થઇ શકે. આસામ રાજ્ય શિક્ષણ બોર્ડ પણ તેને ધ્યાનમાં રાખીને પોતાના ધોરણ-૧૨ના સીલેબસને ૩૦ ટકા જેટલો ઓછો કર્યો છે. જો કે બોર્ડે જે ટોપીક આ વર્ષે ન ભણાવવાનો નિર્ણય કર્યો છે. તેમાં જવાહરલાલ નેહરૂ, મંડલ કમિશન રિપોર્ટ ૧૯૮૪ અને ૨૦૦૨ના ગુજરાત રમખાણ જેવા મહત્વના ટોપીકો સામેલ છે.

આસામની હાયર સેકન્ડરી એજ્યુકેશન કાઉન્સીલે આ સત્ર માટે સીલેબસમાંથી હટાવી દેવાયેલ ટોપીકનું લીસ્ટ હાલમાં જ પોતાની વેબસાઇટ પર મુકયું છે. અધિકારીઓનું કહેવું છે કે જે ટોપિક સીલેબસમાં સામેલ કરાયા છે તે શિક્ષકો અને રાજ્યમાં જે તે વિષયના જાણકારો સાથે સલાહ સૂચન પછી જ રખાયા છે.

રાજનીતિ વિજ્ઞાન વિષયમાં જે ટોપીકસ હટાવાયા છે તેમાં ભારતમાં સ્વતંત્રતા પછીની રાજનીતિના સેકશનમાંથી પહેલી ત્રણ સામાન્ય ચુંટણીઓ, દેશને બનાવવામાં પહેલા વડાપ્રધાન નેહરૂની વિચારધારા, નેહરૂની વિદેશનીતિ, નેહરૂ પછી રાજકીય ઉતરાધિકાર, પંચવર્ષીય યોજનાઓનો ખાત્મો જેવા મહત્વના ટોપીકસ સામેલ છે.

આ સિવાય અન્ય જે ટોપીક સીલેબસમાંથી કઢાયા છે. તેમાં ગરીબી હટાઓનું રાજકારણ, ગુજરાતનું નવનિર્માણ આંદોલન, પંજાબ સંકટ અને ૧૯૮૪ના શીખ દંગા, મંડલ કમિશનનો રિપોર્ટ લાગુ થવો. યુનાઇટેડ ફંટ અને અનડીએ સરકારો ૨૦૦૪ની ચુંટણી અને યુપીએ સરકાર, અયોધ્યા વિવાદ અને ૨૦૦૨ના ગુજરાત રમખાણો સામેલ છે.

(12:50 pm IST)
  • રાજકોટ ભૂપેન્દ્ર રોડ સ્વામીનારાયણ મંદિરના સંત બોસ સ્વામી અક્ષર નિવાસી થયાઃ કોરોનાની સારવાર ચાલુ હતી : ભુપેન્દ્ર રોડ સ્વામીનારાયણ મંદિરના વધુ ત્રણથી ચાર સંતો અને પાર્ષદોને કોરોનાઃ હોસ્પિટલમાં સારવાર હેઠળઃ નિજ મંદિર તા.૧ ઓકટોબર સુધી બંધ access_time 1:40 pm IST

  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • આસામ સરકારે 12 મા ધોરણના બોર્ડના અભ્યાસક્રમમાં 30 ટકાનો ઘટાડો કર્યો : 1984 ની સાલના શીખ દંગલ ,ગુજરાતનું નવનિર્માણ આંદોલન ,2002 ની સાલના કોમી રમખાણો ,તથા અયોધ્યા વિવાદ મામલો સહિતના ચેપટર કાઢી નાખ્યા access_time 11:39 am IST