Gujarati News

Gujarati News

News of Thursday, 24th September 2020

અકાલીદળ બાદ જેડીયુએ ધોકો પછડાયો : કહ્યું સરકાર ખેડૂતોની વાત સાંભળે, એકપક્ષી નિર્ણય ન લેવો જોઇએ

ટેકાના લઘુતમ ભાવ કરતાં ઓછી કિંમતે સોદા થાય એને ગુનો ગણવો જોઇએ

નવી દિલ્હી : બિહાર વિધાનસભાની ચૂંટણીની તૈયારીઓમાં રાજકીય પક્ષો લાગી ગયા છે ત્યારે કૃષિ ખરડા અંગે હવે જદયુએ વિરોધનો સૂર વ્યક્ત કર્યો હતો. જદયુના પ્રવક્તા કેસી ત્યાગીએ કહ્યું હતું કે કેન્દ્ર સરકારે ખેડૂતોની વાત સાંભળવી જોઇએ. આવા સંવેદનશીલ મૂદ્દે એકપક્ષી નિર્ણય ન લેવો જોઇએ.

 આ  અગાઉ એનડીએના એક ઘટ પક્ષ શિરોમણી અકાલી દળે આ મુદ્દે વિરોધ વ્યક્ત કરીને અકાલી દળના હરસિમરત કૌરે કેન્દ્રના પ્રધાન મંડળમાંથી રાજીનામું આપી દીધું હતું. હવે બિહાર વિધાનસભાની ચૂંટણીને ધ્યાનમાં રાખીને જદયુએ આવો અભિપ્રાય વ્યક્ત કર્યો હતો. કૃષિ ખરડો રાજ્યસભામાં પસાર થઇ ગયો એ માટે આનંદ વ્યક્ત કરતાં કરતાં ત્યાગીએ કહ્યું કે મિનિમમ સપોર્ટ પ્રાઇઝ ( ટેકાના લઘુતમ ભાવ) કરતાં ઓછી કિંમતે સોદા થાય એને ગુનો ગણવો જોઇએ. એક એવો કાયદો ઘડાવો જોઇએ જેથી કોઇ પણ વ્યક્તિ ટેકાના લઘુતમ ભાવથી ઓછી કિંમતે કૃષિ પેદાશ ખરીદી ન શકે. આ બાબતને સજાપાત્ર ગુનો બનાવવો જોઇએ.

રાજ્યસભાના સાંસદ અને જદયુના પ્રમુખ કેસી ત્યાગીએ વધુમાં કેન્દ્ર સરકારને એવી વિનંતી કરી હતી કે સરકારે ખેડૂતોને પણ સાંભળવા જોઇએ. અત્યારે જે કૃષિ ખરડા પસાર થયા છે એ પગલું એકપક્ષી હતું. સરકારે ખેડૂતો સાથે ચર્ચા કર્યા પછી આ પગલું લેવું જોઇતું હતું. તમે આ મુદ્દે નીતિશ કુમાર સાથે વાત કરીને વડા પ્રધાનને તમારા અભિપ્રાયની જાણ કરી છે કે એવા સવાલના જવાબમાં ત્યાગીએ કહ્યું કે ટેકાના લઘુતમ ભાવ ભવિષ્યમાં પણ ચાલુ રહેશે એવી ખાતરી વડા પ્રધાન આપી ચૂક્યા છે.

(11:36 am IST)
  • હૈદ્રાબાદની ટીમમાં જેશન હોલ્ડરનો સમાવેશ :સનરાઈઝ હૈદ્રાબાદનો ઓલરાઉન્ડર મિચેલ :માર્શને પગની ઘૂંટીની ઈજા થતા આઈપીએલમાંથી આઉટ : તેના સ્થાને વિન્ડીઝના ઓલરાઉન્ડર જેશન હોલ્ડરનો ટીમમાં સમાવેશ access_time 2:53 pm IST

  • ગુજરાત યુનિવર્સિટીમાં કોરોના વિસ્ફોટ : અનેક કર્મચારીઓને કોરોના વળગ્યોઃ યુનિવર્સિટી ટાવર સોમવાર સુધી બંધ :ગુજરાત યુનિવર્સિટીમાં કોરોનાનો બ્લાસ્ટઃ પરીક્ષા વિભાગ, એકેડેમિક વિભાગ, એસ્ટેટ વિભાગ, એકાઉન્ટ વિભાગના કર્મચારીઓ સમગ્ર યુનિવર્સિટી ટાવરમાં કામ કરતા અનેક જોબ ટ્રેઇનીને પણ કોરોના : યુનિવર્સિટી નો ટાવર સોમવાર સુધી બંધ access_time 4:03 pm IST

  • ચાઇના સાથે વધતાં ઘર્ષણ વચ્ચેના સરહદ પર સૈન્યની સરળ હિલચાલ માટે તૈયાર થયા 43 પુલો - રાજનાથ સિંહ ઉદ્ઘાટન કરશે : તમામ પુલો બીઆરઓ દ્વારા તૈયાર કરવામાં આવ્યા છે : સંરક્ષણ પ્રધાન રાજનાથસિંહ આજે વીડિયો કોન્ફરન્સિંગ દ્વારા આ પુલોનું ઉદઘાટન કરશે : આ સાથે રાજનાથસિંહ તવાંગ જતી ટનલનો શિલાન્યાસ પણ કરશે : આ સાથે 3 ઓક્ટોબરે પીએમ નરેન્દ્ર મોદી રોહતાંગ (અટલ) ટનલનું ઉદઘાટન કરશે access_time 8:40 am IST