Gujarati News

Gujarati News

News of Thursday, 24th September 2020

સિગારેટનો કશ ખેંચતો કરચલો સોશ્યલ મીડિયામાં વાઇરલ

નવી દિલ્હી,તા. ૨૪: ધૂમ્રપાન કરવું સ્વાસ્થ્ય માટે હાનિકારક છે  એ જાણતા હોવા છતાં એની લત લાગ્યા  પછી છૂટી શકતી નથી. જોકે માણસોની આ  આદત પર્યાવરણ અને અન્ય જીવો પર પણ  અસર કરે છે. તાજેતરમાં સોશ્યલ મીડિયા  પર એક વિડિયો વાઇરલ થયો છે જેમાં  સિગારેટ પીધા પછી એના બચેલા ટુકડાને  જ્યાં-ત્યાં ફેંકી દેવામાં આવ્યો છે અને એક કરચલો સિગારેટના સળગતા ટુકડાને લઈને કશ મારતો જોવા મળી રહ્યો છે.

ઇન્ડિયન ફોરેસ્ટ સર્વિસિસ ઓફિસર સુશાંતા નંદાપશુ-પક્ષીઓની દુર્લભ હરકતોને કેમેરામાં કેદ કરવાના શોખીન છે.

આવા વિડિયો તેઓ અવારનવાર સોશ્યલ મીડિયા પર અપલોડ પણ કરતા રહે છે જે ઝડપથી વાઇરલ પણ થઈ જતા હોય છે.

વિડિયોમાં કેટલાક યુવકો સિગારેટ પીને એનો બચેલો ટુકડો ફેંકી દે છે, જે કરચલાના હાથમાં આવી જતાં એ એનો કશ લે છે. જોકે કશ લીધા બાદ એમાંથી ધુમાડો નીકળતાં ગેલમાં આવી ગયેલો કરચલો વારંવાર કશ લેવાની કોશિશ કરી રહેલો જોઈ શકાય છે.

(11:35 am IST)
  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • નેપાળમાં ૪૮ કલાકથી ભારે વરસાદ ચાલુ: જાનહાનિ અને ખાના-ખરાબી: નેપાળમાં મંગળવારથી સતત મધ્યમથી ભારે વરસાદ પડી રહ્યો છે. શીલાઓ ગબડતા, ભૂમિ ધસી પડતા ૧૨ના મોત થયા છે અને ૯ લાપતા છે access_time 12:21 am IST

  • દેશમાં કોરોનાના કહેર વચ્ચે 47 લાખથી વધુ દર્દીઓ રિકવર થયા : રાત્રે 8 વાગ્યા સુધીમાં વધુ 28,775 દર્દીઓ સ્વસ્થ થતા કુલ 27,00,625 રિકવર થયા access_time 8:25 pm IST