Gujarati News

Gujarati News

News of Wednesday, 23rd September 2020

પાકિસ્તાનમાં રેપના 82 ટકા કેસમાં પીડિતના પરિવાર અપરાધી :પાકિસ્તાની સાંસદનો દાવો

શનદાના ગુલઝારે કહ્યું હતું કે, 'યૌન હિંસા બાદ જ્યારે પીડિત છોકરીઓ ગર્ભવતી થાય તો ફરિયાદ કરવાને બદલે ગર્ભપાત કરાવાય છે

 

ઇસ્લામાબાદ : પાકિસ્તાનમાં મહિલાઓ સાથેના દુષ્કર્મની વધતી ઘટનાઓ પર એક સાંસદે હિંસા અને હેવાનિયતના દુ:ખદ આંકડા રજૂ કર્યા છે. નેશનલ એસેમ્બલી ઓફ પાકિસ્તાનની નેતા શનદાના ગુલઝારે એક ટેલિવિઝન ડિબેટમાં દાવો કર્યો હતો કે, દેશમાં રેપના 82 ટકાથી વધારે કેસોમાં પીડિત પરિવારના સભ્યો અપરાધી મળી આવે છે. શનદાના ગુલઝારે મહિલાઓના અધિકારોનું સંરક્ષણ કરનારું સંગઠન 'વોર ઓન રેપ' (WAR) દ્વારા એકત્ર કરાયેલા આંકડાઓને સામે રાખ્યા હતા. તેમણે જણાવ્યું હતું કે, પાકિસ્તાનમાં રેપની ઘટનાઓ બાદ બાળકીઓ કે ગાયનેકોલોજીસ્ટને પૂછવામાં આવે છે કે રેપ કોણે કર્યો તો 82 ટકાથી વધારે કેસોમાં પીડિતના પિતા, ભાઈ, દાદા, નાના અને કાકા અપરાધી સાબિત થાય છે.

ટી.વી. ડિબેટ દરમિયાન શનદાના ગુલઝારે કહ્યું હતું કે, 'યૌન હિંસા બાદ જ્યારે પીડિત છોકરીઓ ગર્ભવતી થાય છે, તો પરિવારના સભ્યો પોલીસ સ્ટેશનમાં ફરિયાદ કરવાની જગ્યાએ તેને અબોર્શન (ગર્ભપાત) કરાવવા ગાયનેકોલોજીસ્ટ પાસે લઈ જાય છે. છોકરીઓને તેમની મા તેમને એમ કહીને પોલીસ પાસે નથી લઈ જતી કે, તે પોતાના પતિને છોડી શકતી નથી. તમને જણાવી દઈએ કે, ગયા અઠવાડિયે પાકિસ્તાનમાં બે ગુનેગારોએ એક મહિલાને બંદૂક દેખાડીને તેની બે બાળકીઓ સામે સામૂહિક બળાત્કારની ઘટનાને અંજામ આપ્યો હતો. ગુનેગારોએ સ્વીકાર્યું હતું કે, મહિલા સાથે દુષ્કર્મ કર્યા બાદ તેઓ પૈસા અને ઘરેણાં પણ લઈને ફરાર થઈ ગયા હતા.

(12:54 am IST)
  • 2 લાખ જેટલા વિદ્યાર્થીઓ માટે રાહતના સમાચારઃ ધો-12ની પૂરક પરીક્ષાને લઇ CBSEનું કોર્ટમાં નિવેદન, પરિણામ 10 ઓક્ટોબર સુધીમાં આવશે, 31 ઓક્ટોબર સુધી કોલેજમાં એડમિશન લઇ શકાશે access_time 4:26 pm IST

  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST