Gujarati News

સામાન્ય રીતે આપણે દરેકને ઓછા સમયમાં વધારે પૈસા કમાવાનું સપનું હોય છે. પરંતુ, જો બિઝનેસ સ્ટેબલ ના હોય તો તમારું ઇન્વેસ્ટમેંટ બેકાર પણ થઇ શકે છે. ત્યારે જરુરી છે કે એવા બિઝનેસ તરફ ધ્યાન આપો કે જેમાં ખર્ચો ઓછો થાય અને લાંબા સમય સુધી કમાણી થતી રહે. ત્યારે દવા બનાવવામાં ઉપયોગ થતા પ્લાંટની ખેતી તમારા માટે બેસ્ટ ઓપ્શન બની શકે છે. આવા પ્લાંટને મેડિસિનલ પ્લાન્ટ કહે છે. તેની ખેતી માટે મોટા ખેતર કે ઇન્વેસ્ટમેંટની જરુર નથી.

તમારી પાસે ખેતર ન હોય તો પણ તમે આ બિઝનેસ કરી શકો છો. તમારા દ્વારા ઉગાડવામાં આવતા આ પ્લાંટને દવા બનાવતી કંપનીઓને વેચી શકો છો. હાલના સમયમાં ઘણી કંપનીઓ કોન્ટ્રાક્ટ પદ્ધતિ દ્વારા ઔષધિઓની ખેતી કરાવી રહી છે. ત્યારે તમે પણ જાણી લો કે કઈ રીતે આ બિઝનેસથી લાખો રૂપિયાની કમાણી કરી શકો છો.

મોટાભાગના હર્બલ પ્લાન્ટ જેવા કે તુલસી, જેઠીમધ, એલોવેરા સહિતના પ્લાન્ટ ખુબ જ ઓછા સમયમાં તૈયાર થઇ જાય છે. આ પૈકી કેટલાક છોડની ખેતી તો નાના કુન્જામાં પણ કરી શકો છો. જેના માટે તમારે વધારે ખર્ચ કરવાની જરૂર નહીં પડે. પરંતુ આ ખેતીથી કમાણી લાખોની થઇ શકે છે. દવા કંપનીઓ સાથે કોન્ટ્રેક્ટથી કમાણી ફિક્સ પણ થઇ જાય છે.

સામાન્ય રીતે તુલસીને ધાર્મિક આસ્થા સાથે જોડવામાં આવે છે, પરંતુ મેડિસિનલ ગુણ ધરાવતી તુલસીની ખેતીથી કમાણી કરી શકાય છે. તુલસીના અનેક પ્રકાર હોય છે, જેનાથી યુજીનોલ અને મિથાઇલ સિનામેટ હોય છે. આ તત્વોમાંથી કેન્સર જેવા રોગોની દવાઓ બનાવવામાં આવે છે. જો ખેતર હોય તો 1 હેક્ટર જમીન પર તુલસી ઉગાડવામાં માત્ર 15 હજાર રૂપિયાનો ખર્ચ આવે છે પરંતુ, 3 મહિના બાદ આ પાક લગભગ 3 લાખ રૂપિયા સુધીની કમાણી કરાવી શકે છે.

તુલસીની ખેતી પતંજલિ, ડાબર, વૈદ્યયનાથ સહિત આયુર્વેદ દવાઓ બનાવતી કંપનીઓ કોન્ટ્રેંક્ટ ફાર્મિંગ પર કરાવી રહી છે. જે પાકને સીધો જ ખરીદે લે છે.

મેડિસિનલ પ્લાંટની ખેતી માટે જરૂરી છે કે તમારી પાસે સારી ટ્રેનિંગ હોય જેથી તમે ભવિષ્યમાં છેતરાશો નહીં. લખનઉ સ્થિત સેન્ટ્રેલ ઇન્સ્ટીટ્યૂટ ઓફ મેડિસિનલ એંડ એરોમેટિક પ્લાંટ (CIMAP) આવા છોડની ખેતીની ટ્રેનિંગ આપે છે. તેમજ CIMAPના માધ્યમથી દવા કંપનીઓ તમારી પાસે કોંટ્રાક્ટ સાઇન પણ કરે છે, એટલે બિઝનેસ માટે ક્યાંય ફરવાની જરૂર પણ પડતી નથી.