Gujarati News

નવી દિલ્હીઃ કેન્દ્ર સરકારે નાના વેપારીઓ અને દુકાનદારોને પેન્શન આપવાની યોજનાને ગઇકાલે અમલી બનાવી દીધી છે. દોઢ કરોડ સુધીનો વાર્ષિક ધંધો કરનારાઓ આ યોજના હેઠળ પેન્શન મેળવી શકશે.

પ્રધાન મંત્રી લઘુ વ્યાપારી માન-ધન યોજનાની નક્કી કરવામાં આવેલી શરતો અને નિયમો અનુસાર, ૧૮ થી ૪૦ વર્ષનો કોઇપણ યોગદાનની સામે ૬૦ વર્ષની ઉમરથી લગભગ ત્રણ હજાર રૂપિયા પેન્શન મળશે. શ્રમમંત્રાલયે કહ્યું છે કે લગભગ ત્રણ કરોડ છુટક વેપારીઓ, ધંધાર્થીઓ અથવા સ્વરોજગારમાં જોડાયેલા લોકો આ યોજનાનોે લાભ લઇ શકશે. સરકારે પહેલી કેબીનેટ મીટીંગમાંજ આ યોજનાને મંજૂરી આપી હતી. નાણા પ્રધાન નિર્મલા સીતારમણે બજેટમાં આ યોજના માટે ૭૫૦ કરોડની જોગવાઇ કરી હતી.

પીએસબી લોન્સ ઇન ૫૯ મીનીટસ પોર્ટલ હેઠળ લોનની અરજી કરનાર નાના ઉદ્યોગકારોને પાંચ ગણા સુધીનો લાભ અપાઇ રહ્યો છે.  એક રિપોર્ટ અનુસાર, સરકારી બેંક ૫૯ મીનીટમાં એક કરોડની જગ્યાએ પાંચ કરોડ સુધીની લોન આપી રહી છે. બેંકોએ ૩૧ માર્ચ સુધીમાં ૫૦૭૦૬ આવા પ્રસ્તાવોને મંજુરી પણ આપી દીધી છે અને તેમાંથી ૨૭૯૮૩ પ્રસ્તાવોને સાત દિવસમાં લોન અપાઇ જશે.