Gujarati News

Gujarati News

News of Monday, 24th June 2019

અમેરિકાના ન્યુયોર્કમાં વસતા ઇમીગ્રન્ટસ પરિવારો ઉપર તવાઇઃ પ્રેસિડન્ટ ટ્રમ્પની સુચનાથી ICE દ્વારા દેશનિકાલ કરવાની પ્રક્રિયા શરૃઃ બે હજાર જેટલા પરિવારો ઉપર વિખુટા પડવાની નોબતઃ અસરગ્રસ્ત પરિવારોની વહારે એશિઅન અમેરિકન ફેડરેશન

ન્યુયોર્કઃ અમેરિકાના ન્યુયોર્કમાં કાયદેસરના ડોકયુમેન્ટ વગરના લોકોને પણ ડ્રાઇવીંગ લાયસન્સ મેળવવાનો અધિકાર આપતો કાયદો અમલી બનાવાયાની સાથોસાથ પ્રેસિડન્ટ ટ્રમ્પની સુચનાથી ઇમીગ્રેશન એન્ડ કસ્ટમ એન્ફોર્સમેન્ટ (ICE)એ ઇમીગ્રન્ટસ પરિવારોને દેશનિકાલ કરવાની પ્રક્રિયા ચાલુ કરી દીધી છે. જેનાથી બે હજાર જેટલા પરિવારોને વિખુટા પડવાની નોબત આવી શકે છે.

આ પ્રકિયાની સૌથી વધુ અસર સાઉથ એશિઅન પરિવારો ઉપર થઇ શકે  છે.

સીટી કન્ટ્રોલ ઓફિસના જણાવ્યા મુજબ ન્યુયોર્કમાં ઇમીગ્રેશન એન્ફોર્સમેન્ટની પ્રક્રિયામાં શામેલ કરાયેલા પરિવારોમાં સાઉથ એશિઅન પરિવારો વધુ છે.

આ બાબતે ઇન્ડિયન  અમેરિકન ફેડરેશન આવા પરિવારોની સાથે છે. તથા તેમને મદદરૂપ થવા તૈયાર છે. તથા તેના મેમ્બર્સ, કોમ્યુનીટી લીડર્સ તેમજ પાર્ટનર્સ સાથે આ બાબતે જરૂર પડયે કાયદેર લડત પણ આપશે. તેમજ ચૂંટાયેલા પ્રતિનિધિઓ સમક્ષ પણ રજુઆત કરશે.

જેઓને દેશનિકાલની પ્રક્રિયાની અસર થવાનો ભય છે તે તમામ લોકો ActionNYC hotline દ્વારા ૧-૮૦૦-૩૫૪-૦૩૬૫ના માધ્યમ થકી વિનામૂલ્યે સલામત તથા કાયદાકીય મદદ મેળવી શકશે. તેવું સુશ્રી મીરા વેણુગોપાલની યાદી દ્વારા જાણવા મળે છે.

(8:03 pm IST)
  • જૂનાગઢ મહાનગર પાલિકાની 21મી જુલાઈએ ચૂંટણી :23મી જુલાઈએ મતગણતરી :ગાંધીનગર મનપાના વોર્ડ,ન,3ની પેટાચૂંટણી અને જિલ્લા-તાલુકા પંચાયતની ખાલી પડેલી બેઠકો માટે પણ 21મી જુલાઈએ થશે મતદાન: 6ઠ્ઠી જુલાઈથી ઉમેદવારીપત્ર રજૂ કરી શકાશે :9મીએ ઉમેદવારીપત્ર પરત ખેંચવાની અંતિમ તારીખ access_time 7:03 pm IST

  • ઉતરી જર્મનીમાં બે યુરોફાઈટર જેટ અથડાતા એક પાયલોટનું મોત :જર્મન વાયુસેના મુજબ બે યુરોફાઈટર ઉતરી જર્મનીના મધ્યમાં દુર્ઘટનાગ્રસ્ત થતા એક પાયલોટનું હોત નીપજ્યું :આ યુદ્ધક વિમાન એયર કોમ્બેટ મિશન પર હતા access_time 1:13 am IST

  • ગુજરાત યુનિવર્સિટીની સિન્ડીકેટ ચૂંટણીમાં કોંગ્રેસના ઈન્દ્રવિજયસિંહ ગોહિલ અને ભાજપના સમર્પિત કૌશિક જૈનનો ભારે બહુમતી સાથે વિજય access_time 5:39 pm IST