Gujarati News

Gujarati News

News of Monday, 24th June 2019

આ છે કેરીની રાણી

'નૂરજહાં' નામની કેરીનું ફળ આ વખતે ૨.૭૫ કિલો જોવા મળ્યું: ૧ નંગનો ભાવ ૧૨૦૦

ઇન્દોર, તા.૨૪: કેરીઓની રાણીના નામથી પ્રખ્યાત એવી 'નૂરજહાં' નામની કેરીનું ફળ આ વર્ષે ૨.૭૫ કિલોગ્રામનું જોવા મળ્યું. આ કારણે આ વર્ષે નૂરજહાં નામની આ કેરીનું એક ફળ ૧૨૦૦ રૂપિયા સુધીમાં વેચાયું છે. મૂળ અફઘાનિસ્તાનની કેરીની પ્રજાતિ તરીકે ઓળખાતી નૂરજહાં નામની આ કેરી મધ્યપ્રદેશના અલીરાજપુર જિલ્લાના કટ્ઠીવાડા ક્ષેત્રનાં કેટલાંક ચોક્કસ વૃક્ષ પર ઉગે છે.

મધ્યપ્રદેશનો આ વિસ્તાર ગુજરાત પાસે આવેલો છે. ઈન્દોરથી લગભગ ૨૫૦ કિલોમીટર દૂર કટ્ઠીવાડામાં આ પ્રજાતિની ખેતીના વિશેષજ્ઞ ઈશાક મંસૂરીએ રવિવારે જણાવ્યું કે આ વખતે અનુકૂળ વાતાવરણના કારણે નૂરજહાંના વૃક્ષો પર સારી માત્રામાં કેરીઓનું ઉત્પાદન થયું છે. આ સિઝનમાં નૂરજહાંના ફળનું વજન અંદાજિત ૨.૭૫ કિલોગ્રામની આસપાસ જોવા મળ્યું.

મંસૂરીએ જણાવ્યું કે આજકાલ નૂરજહાં કેરીનું એક ફળ ૭૦૦થી ૮૦૦ રૂપિયામાં વેચાઈ રહ્યું છે. આ કેરીનું વધારે વજન હોવાને કારણે તેનું એક ફળ ૧૨૦૦ રૂપિયા સુધીમાં વેચાઈ રહ્યું છે. તેમણે જણાવ્યું કે ગુજરાતના અમદાવાદ, વાપી, નવસારી અને વડોદરા શહેરના કેરીના શોખીન લોકોએ તો આ કેરીનું અગાઉથી બુકિંગ પણ કરાવી લીધું છે. લોકો સ્પેશિયલ આ વિસ્તારમાં આ નૂરજહાં કેરીના વૃક્ષને જોવા માટે આવે છે અને તેની સાથે સેલ્ફી પણ લે છે.

(4:00 pm IST)
  • BSNL પાસે કર્મચારીઓને જુનનો પગાર આપવાના પૈસા નથીઃ કંપની ઉપર ૧૩૦૦૦ કરોડની છે જવાબદારી : ભારત સંચાર નિગમની હાલત ડામાડોળઃ કંપની પાસે કર્મચારીઓને જુનનો પગાર આપવાના પૈસા નથી જેની રકમ થાય છે રૂ. ૮પ૦ કરોડઃ ડીસે. ર૦૧૮ ના અંત સુધીમાં રૂ. ૯૦,૦૦૦ કરોડથી વધુનું પરિચાલન નુકસાન વેઠવું પડયું હતું access_time 3:50 pm IST

  • અમદાવાદના હાથીજણમાં ગઈરાત્રે ભારે વરસાદથી ખેતરની ઓરડી તૂટી પડતા ખેડૂતનું મોત access_time 5:43 pm IST

  • ગુજરાતમાં ત્રણ-ચાર દિવસ વરસાદની આવન-જાવન ચાલુ રહેશેઃ હવામાનની સંસ્થા સ્કાયમેટે જણાવ્યું છે કે અમદાવાદમાં ખૂબ સારો વરસાદ પડી ગયોઃ ગુજરાતમાં આવતા ત્રણ- ચાર દિવસ વરસાદની આવન- જાવન ચાલુ રહેશેઃ જયારે કચ્છમાં છુટોછવાયો વરસાદ પડશે access_time 11:41 am IST