Gujarati News

Gujarati News

News of Monday, 24th June 2019

માયાવતીનો આરોપ - અખિલેશે મને મુસલમાનોને વધારે ટિકિટ આપવા ના દીધી

હારનુ ઠીકરૂ અખિલેશ ઉપર ફોડયું

નવી દિલ્હી, તા.૨૪: બસપાની ઝોનલ કોર્ડિનેટરો અને સાંસદોની મીટિંગમાં રવિવારે માયાવતીએ અખિલેશ યાદવ ઉપર દ્યણા પ્રહારો કર્યા હતા. લોકસભા ચૂંટણીમાં પરાજય માટે અખિલેશને જવાબદાર ગણાવ્યો હતો. માયાવતીએ કહ્યું હતું કે અખિલેશે મને મુસલમાનોને વધારે ટિકિટ આપવાની ના પાડી હતી. તેણે મને કહ્યું હતું કે આનાથી ધ્રુવીકરણ થશે અને બીજેપીને ફાયદો થશે.

માયાવતીએ કહ્યું હતું કે તાજ કોરિડોર વાળા કેસમાં મને ફસાવવા પાછળ બીજેપી અને મુલાયમ સિંહનો હાથ છે. આ સિવાય સપાએ પ્રમોશનમાં અનામતનો વિરોધ કર્યો હતો જેથી દલિતો, પછાતોએ તેને વોટ આપ્યા ન હતા. માયાવતીએ કહ્યું હતું કે બસપાના પ્રદેશ અધ્યક્ષ આરએસ કુશવાહાને સલીમપુર સીટ પરથી સમાજવાદી પાર્ટીના વિધાયક દળના નેતા રામ ગોવિંદ ચૌધરીએ હરાવ્યા હતા. તેમણે સપાના વોટ બીજેપીમાં ટ્રાન્સફર કરાવ્યા હતા. જોકે અખિલેશ તેની સામે કોઈ કાર્યવાહી કરી ન હતી.

માયાવતીએ કહ્યું હતું કે પરિણામ આવ્યા પછી અખિલેશે મને કયારેય ફોન કર્યો નથી. સતીષ મિશ્રાએ તેને કહ્યું હતું કે તે મને ફોન કરે છતા પણ તેણે ફોન કર્યો ન હતો. મેં મોટા હોવાની ફરજ નિભાવી હતી અને પરિણામના દિવસે ૨૩ તારીખે તેને ફોન કરીને પરિવારના હારવા પર અફસોસ વ્યકત કર્યો હતો. માયાવતીએ કહ્યું હતું કે સપા શાસનમાં દલિતો ઉપર જે અત્યાચાર થયા હતા તે પરાજયનું કારણ બન્યું છે. ઘણા સ્થાને સપા નેતાઓએ બસપા ઉમેદવારોને હરાવવા માટે કામ કર્યું હતું.

 

(10:13 am IST)
  • ઇન્ડિગોની ફ્લાઈટમાં મુસાફરે પ્લેનનો દરવાજો ખોલવા કર્યો પ્રયાસ :ઇમર્જન્સી લેન્ડિંગ બાદ પોલીસને સોંપ્યો :પોલીસ અધિકારી મુજબ યાત્રી ચાલુ વિમાને દરવાજો ખોલવાનો પ્રયાસ કરતો હતો :યાત્રીને ઉતારી મુક્યા બાદ ભુવનેશ્વરની કેપિટલ હોસ્પિટલે લઇ જવાયો ; હૈદરાબાદથી ગુવાહાટી જતી ફ્લાઈટમાં બન્યો બનાવ. access_time 12:49 am IST

  • ઐતિહાસિક મંદિરમાં તસ્કરો ત્રાટક્યા :ચંબલમાં 50 વર્ષ જૂની બે ડઝન મૂર્તિઓની ચોરી :ચંબલ ઘાટીમાં વસેલા ફુપના જૈન મંદિરમાંથી 22 મૂર્તિઓની ચોરી થતા સનસનાટી :તમામ મૂર્તિઓ ઐતિહાસિક અને અને અંદાજે 50 વર્ષ જૂની ગણાવાઈ છે :ચોરાયેલ તમામ મૂર્તિઓ કિંમતી અને અષ્ટધાતુની હતી access_time 10:54 pm IST

  • હોમગાર્ડ રોકી રોન્ગ સાઈડમાં જતી કાર :ભાજપના નેતાએ માર્યો લાફો :બોનેટ પર ચડાવીને ઢસડ્યો : હરિયાણાના રેવાડીના ભાજપ નેતા સતીશ ખોડાની દબંગાઈ :હોમગાર્ડના જવાનને કારના બોનેટમાં ચડાવીને ઢસડ્યો access_time 1:18 am IST