Gujarati News

લખીમપુર ખીરીઃ ઉત્તર પ્રદેશના લખીમપુરમાં એક વિચિત્ર ઘટના જોવા મળી છે. અહીં એક વર્ષથી પણ વધુ સમયથી કપાયેલું વૃક્ષ અચાનક ઊભું થઈ ગયું. આ વાતની જાણકારી મળતા જ શ્રદ્ધાળુઓની લાઈનો લાગી ગઈ અને પૂજા-પાઠ કરવાનું શરૂ થઈ ગયું.

લખીમપુર સ્ટેશન વિસ્તારમાં ખીરીના ગામ રત્તાસરાયમાં એક પીપળાનું ઝાડ પાછલા 13 મહિના અને 3 દિવસથી કાપેલું પડ્યું હતું. બપોરે અચાનક અવાજ આવ્યો અને કપાયેલું ઝાડ ઊભું થઈ ગયું. પછી શું હતું, ભારે સંખ્યામાં શ્રદ્ધાળુઓની લાઈને ઝાડ પાસે પૂજા કરવા માટે પહોંચી ગઈ. આ ઘટનાના હજારો લોકો સાક્ષી છે.

જોકે સ્થાનિક જાણકારોએ જણાવ્યું કે, પીપળાનું ઝાડ સૂકાવા પર ખૂબ જ હલકું થઈ જાય છે, મૂળમાં માટી વધારે હતી, જેના પ્રેશરના કારણે ટોચનો ભાગ ઊભો થઈ ગયો. પરંતુ શ્રદ્ધાના વિષયમાં લોકો આ વિજ્ઞાનને નથી સમજી રહ્યા અને તેને ચમત્કાર સમજીને પૂજા-પાઠ કરવામાં લાગી ગયા છે.