Gujarati News

લંડન, તા.૨૪: સુંદર દેખાવું કોને ન ગમે? સૌંદર્યની ઈચ્‍છામાં લોકો અનેક પ્રયત્‍નો કરે છે. કેટલાક લોકો સુંદર હોય છે, પરંતુ લોભના કારણે તેમનું મન ભરતું નથી અને તેઓ વધુ સુંદર દેખાવા માટે અજીબોગરીબ કામો કરે છે. તેવી જ રીતે, સુંદરતા જાળવી રાખવા માટે એક છોકરી દરરોજ આવા ચોંકાવનારા અને ઘૃણાસ્‍પદ કામ કરે છે, જે જાણ્‍યા પછી કેટલાક લોકોને ઉલ્‍ટી થઈ શકે છે. વાસ્‍તવિકતા જાણ્‍યા પછી, તમે કહી શકો છો કે આટલી સુંદરતા મેળવવા કરતાં ભગવાને તમને બનાવ્‍યા છે તેમ રહેવું વધુ સારું છે. જણાવીએ કે આ છોકરી સુંદર દેખાવા માટે કૂતરાનું યુરીન પીવે છે.

વાસ્‍તવમાં, સુંદરતાની શોધમાં આ છોકરી જે કરી રહી છે તે કોઈને કરવું ગમશે નહીં. આ છોકરીનું નામ લીના છે અને તે ગ્‍લોઈંગ સ્‍કિન મેળવવા માટે એવું કામ કરે છે કે તમે પહેલીવાર સાંભળીને વિશ્વાસ નહીં કરો. હા, લીનાના કહેવા પ્રમાણે, તે ગ્‍લોઈંગ સ્‍કિન મેળવવા માટે દરરોજ કૂતરાનું યુરીન પીવે છે. તેના આ રહસ્‍યને જાણ્‍યા પછી, લોકો આશ્‍ચર્યચકિત છે કે શું આજે પણ સુંદર દેખાવા માટે કોઈ આ હદ સુધી જઈ શકે છે.

લીનાનો દાવો છે કે કૂતરાના યુરીનમાં વિટામિન-એ, વિટામિન-ઇ જેવા ઘણા પોષક તત્‍વો હોય છે. તેના રોજિંદા સેવનથી તમને ન માત્ર ચમકદાર ત્‍વચા મળે છે પરંતુ કેન્‍સર જેવી ગંભીર બીમારીની સારવારમાં પણ મદદ મળે છે. લીનાનો દાવો છે કે  જો તમે કૂતરાનું યુરીન પીશો તો તમે કેન્‍સર સહિત અનેક ગંભીર બીમારીઓથી મુક્‍ત થઈ જશો. સાથે જ તમને ગ્‍લોઈંગ સ્‍કિન પણ મળશે.

લીનાના કહેવા પ્રમાણે, થોડા મહિના પહેલા તેના ચહેરા પર ખીલ હતા. કોઈએ તેને કૂતરાનું યુરીન અજમાવવાનું કહ્યું. હું તેને પ્રથમ વખત માની શકી ન હતી. તે પીધા પછી તે વિચિત્ર લાગ્‍યું, પરંતુ પરિણામો ખૂબ સારા હતા. તેથી સતત પીતા રહ્યા અને હવે તે આદત બની ગઈ છે. કૂતરાનું યુરીન પીવાથી માત્ર મારા ખીલ મટે છે એટલું જ નહીં પણ મારો ચહેરો હંમેશા ચમકતો રહે છે. લીનાના કહેવા પ્રમાણે, મારી સુંદરતાની ચર્ચા આખી દુનિયામાં થઈ રહી છે. તે કૂતરાના યુરીનને ક્‍યારે અને કેવી રીતે સંગ્રહિત કરે છે, તેનો જવાબ હતો કે જયારે હું તેને પાર્કમાં લઈ જાઉં છું, ત્‍યારે હું તેને એક વાસણમાં રાખું છું.