Gujarati News

Gujarati News

News of Friday, 24th May 2019

બજારમાં તીવ્ર તેજી : સેંસેક્સ ૬૨૩ પોઈન્ટ ઉછળીને બંધ

અનેક મોટા શેરમાં જોરદાર લેવાલીનો દોર રહ્યો : નિફ્ટી પણ ઉંચી સપાટી ઉપર : તમામ સેકટરલ ઇન્ડેક્સ તેજી સાથે બંધ : શેરબજારમાં તેજી રહેતા કારોબારી ખુશ

મુંબઇ,તા. ૨૪ : શેરબજારમાં આજે જોરદાર તેજી જોવા મળી હતી. કારોબારના અંતે સેંસેક્સ ૬૨૩ પોઈન્ટ ઉછળીને ૩૯૪૩૫ની સપાટીએ રહ્યો હતો. આઈસીઆઈસી બેંક, ભારતી એરટેલ, વેદાંતા, ટાટા મોટર્સના શેરમાં તેજી જામી હતી. આજે જોરદાર તેજીના માહોલ દરમિયાન બીએસઈમાં કારોબાર દરમિયાન ૩૦ શેર પૈકી માત્ર હિન્દુસ્તાન યુનિલીવર અને એનટીપીસીના શેરમાં મંદી રહી હતી. બીજી બાજુ બ્રોડર નિફ્ટીમાં ૧૮૭ પોઈન્ટનો ઉછાળો રહેતા તેની સપાટી ૧૧૮૪૪ રહી હતી. આજે કારોબાર દરમિયાન ૧૮૨૩ શેરમાં તેજી રહી હતી. ૬૭૬ શેરમાં મંદી રહી હતી. ૧૫૦ શેરમાં યથા સ્થિતિ રહી હતી. બ્રોડર માર્કેટમાં મિડકેપ ઈન્ડેક્સમાં ૨૯૫ પોઈન્ટનો ઉછાળો રહ્યો હતો. જેથી તેની સપાટી ૧૪૯૪૫ રહી હતી. જ્યારે સ્મોલ કેપ ઈન્ડેક્સમાં ૧૪૬૭૦ની સપાટી રહી હતી. તેમાં ૩૪૭ પોઈન્ટનો ઉછાળો રહ્યો હતો. તમામ સેકટરલ ઈન્ડેક્સમાં તેજી રહી હતી. નિફ્ટી પીએસયુ બેંક ઈન્ડેક્સમાં ૫.૬ ટકાનો ઉછાળો રહ્યો હતો. જ્યારે નિફ્ટી રિયાલીટીમાં ૪.૪ ટકાનો ઉછાળો રહ્યો હતો. ગઈકાલે ગુરુવારના દિવસે કારોબારના અંતે સેંસેક્સ ૨૯૯ પોઇન્ટ ઘટીને ૩૮૮૧૧ની સપાટીએ રહ્યો હતો. બ્રોડર નિફ્ટી ઇન્ડેક્સ ૦.૭ ટકા ઘટીને ૧૧૬૫૭ની સપાટી પર રહ્યો હતો. એક્ઝિટ પોલના તારણ જારી કરવામાં આવ્યા બાદ હાલમાં સેંસેક્સ ૧૪૨૨ પોઈન્ટ ઉછળીને રેકોર્ડ ૩૯૩૫૨ની ઉચી સપાટીએ રહ્યો હતો. એક્ઝિટ પોલના તારણ આવ્યા બાદ તેની સીધી અસર શેરબજારમાં થઇ હતી. આ ઉપરાંત કંપનીઓના પરિણામ પણ જાહેર કરવામાં આવી રહ્યા છે.  અત્રે ઉલ્લેખનીય છે કે, વિદેશી મૂડીરોકાણકારોએ ભારતીય મૂડી માર્કેટમાંથી મે મહિનામાં હજુ સુધી ૬૩૯૯ કરોડ રૂપિયાની રકમ પાછી ખેંચી લીધી છે. ચૂંટણી સંબંધિત અનિશ્ચિતતા અને અમેરિકા અને ચીન વચ્ચે વેપાર તંગદિલીના પરિણામ સ્વરુપે આ સ્થિતિ સર્જાઈ રહી છે. આ પહેલા વિદેશી મૂડીરોકાણકારોએ છેલ્લા ત્રણ મહિનાના ગાળા દરમિયાન સતત પૈસા ઠાલવ્યા હતા. જો કે, આ પ્રવાહમાં મે મહિનામાં રિવર્સ પ્રવાહ જોવા મળી રહ્યો છે. નવેસરના આંકડા મુજબ એફપીઆઈ દ્વારા બીજીથી ૧૭મી મેના ગાળા દરમિયાન ડેબ્ટ માર્કેટમાંથી ૧૬૧૨.૬૨ કરોડ રૂપિયા અને ઇક્વિટીમાંથી ૪૭૮૬.૩૮ કરોડની રકમ પાછી ખેંચી લીધી છે. આની સાથે જ નેટ આઉટફ્લોનો આંકડો ૬૩૯૯ કરોડ રૂપિયાનો રહ્યો છે.

(7:52 pm IST)
  • કોંગ્રેસ અધ્યક્ષ રાહુલ ગાંધી ભારતભરમાં સૌથી વધુ મત મેળવી નવો રેકોર્ડ સર્જવા તરફ : કેરળની વાયનાડ બેઠક ઉપર કોંગ્રેસ અધ્યક્ષ શ્રી રાહુલ ગાંધી ૮.૩૮ લાખથી વધુ મતોની જંગી લીડ મેળવી ભારતમાં સૌથી વધુ લીડથી જીતવાનો રેકોર્ડ સર્જશે : જયારે યુપીની અમેઠીની બેઠક ગુમાવી રહ્યા છે access_time 6:40 pm IST

  • સેન્સેકસ પ૦૦થી વધુ અપ :નીફટી ૧૧૮૦૦ની ઉપર : શેરબજારમાં સપ્તાહના અંતિમ દિવસે તેજીઃ ર.૩૦ કલાકે સેન્સેકસ પ૩૦ પોઇન્ટ વધીને ૩૯૩૪૯ અને નીફટી ૧૭૪ પોઇન્ટ વધીને ૧૧૮૩૧ ઉપર ટ્રેડ કરે છેઃ ડોલર સામે રૂપિયો ૬૯.પ૯ ઉપર છેઃ બેંક-ઓટો શેરમાં તેજી access_time 1:08 pm IST

  • રાજબબ્બરનું રાજીનામુ : યુપીમાં કોંગ્રેસનો ધબડકો થતાં પ્રદેશ અધ્યક્ષ રાજ બબ્બરે પોતાના પદ ઉપરથી રાજીનામુ આપી દીધું છેઃતેમણે રાજીનામાનો પત્ર પક્ષના પ્રમુખ રાહુલ ગાંધીને મોકલી આપ્યો છેઃ તેમણે પરાજયની જવાબદારી સ્વીકારી લીધી છે. access_time 11:32 am IST