Gujarati News

Gujarati News

News of Friday, 24th May 2019

વારાણસીની સીટ પર નરેન્દ્ર મોદીની શાનદાર જીત

૬૬૮૭૬૭ મતે શાનદાર જીત

નવીદિલ્હી, તા. ૨૩ : લોકસભાની ચૂંટણીમાં ભારતીય જનતા પાર્ટીએ જોરદાર સપાટો બોલાવ્યો છે અને રેકોર્ડ જીત હાંસલ કરી લીધી છે. આજે વારાણસી બેઠક પરના પરિણામ પણ જાહેર કરવામાં આવ્યા હતા. આ બેઠક ઉપર વડાપ્રધાન નરેન્દ્ર મોદી ચૂંટણી મેદાનમાં હતા. સતત બીજી વખત મોદીએ આ સીટ ઉપર જીત મેળવી હતી. આ વખતે વારાણસી બેઠક પર મોદીને ૪૭૫૬૯ મત મળ્યા છે તેમની ૬૬૮૭૬૭ મતે જીત થઇ છે. આ વખતે તેમની સામે કોઇ મજબૂત ઉમેદવાર દેખાઈ રહ્યા ન હતા. કોંગ્રેસ તરફથી પહેલા પ્રિયંકા ગાંધી વાઢેરાને મેદાનમાં ઉતારવાની વાત થઇ હતી પરંતુ તેમને ચૂંટણીમાં નહીં ઉતારવાનો નિર્ણય છેલ્લીઘડીએ લેવામાં આવ્યો હતો. ત્યારબાદ કોંગ્રેસ તરફથી આ બેઠક પર અજય રાયને મેદાનમાં ઉતારવામાં આવ્યા હતા. ૨૦૧૪ની ચૂંટણીમાં મોદીની સામે આ બેઠક પર અરવિંદ કેજરીવાલ જેવા શક્તિશાળી ઉમેદવાર હતા જેથી સ્પર્ધા ખુબ જ નજીકની રહી હતી.

(12:00 am IST)
  • કોંગ્રેસના રાષ્ટ્રીય મહાસચિવ પ્રિયંકા વાડ્રા ગાંધીએ કહ્યું હતું કે, અમે જનતાના ફેસલાનો સ્વીકાર કરીએ છીએ અને વડાપ્રધાન મોદી અને ભાજપના કાર્યકર્તાઓને જીતની શુભેચ્છા આપીએ છીએ. access_time 10:17 pm IST

  • મધ્ય પ્રદેશની ભોપાલ સીટ પરથી હાર બાદ કોંગ્રેસના ઉમેદવાર દિગ્વિજય સિંહે કહ્યું હતું કે, અમે જનતાનો મેન્ડેટ સ્વીકારીએ છીએ access_time 10:17 pm IST

  • કોંગ્રેસ અધ્યક્ષ રાહુલ ગાંધી ભારતભરમાં સૌથી વધુ મત મેળવી નવો રેકોર્ડ સર્જવા તરફ : કેરળની વાયનાડ બેઠક ઉપર કોંગ્રેસ અધ્યક્ષ શ્રી રાહુલ ગાંધી ૮.૩૮ લાખથી વધુ મતોની જંગી લીડ મેળવી ભારતમાં સૌથી વધુ લીડથી જીતવાનો રેકોર્ડ સર્જશે : જયારે યુપીની અમેઠીની બેઠક ગુમાવી રહ્યા છે access_time 6:40 pm IST