Gujarati News

Gujarati News

News of Thursday, 24th May 2018

મોદી vs વીપક્ષ : ૧996 પછી ભાજપ સામે સૌથી મોટું ગઠબંધન જોવા મળી રહ્યું છે : ૨૦૧૯માં ભાજપ માટે બની શકે છે કપરા ચઢાણ

નવી દિલ્હી : બુધવારે જ્યારે કર્ણાટકમાં એચડી કુમારસ્વામીની સરકાર અસ્તિત્વમાં આવી તો આગામી વર્ષે આવી રહેલી લોકસભાની ચૂંટણી પહેલા એક એન્ટી ભાજપ મહાગઠબંધનનો વિચાર મજબૂત થતો દેખાઈ રહ્યો છે. જેડીએસ-કોંગ્રેસની ગઠબંધ સરકારની ઉજવણી મનાવવા માટે લગભગ તમામ બીનભાજપી પાર્ટીઓ એક મંચ પર એકઠી થઈ હતી.

માત્ર ઓડિશાના સીએમ નવીન પટનાયક અને તેલંગાણાના સીએમ ચંદ્રશેખર રાવ (KCR) જ આ શપથ ગ્રહણ સમારોહથી દૂર રહ્યા હતા. જોકે, કેસીઆરે મંગળવારે એચડી કુમારસ્વામી અને તેમના પિતા એચડી દેવેગૌડા સાથે મુલાકાત કરી હતી. મોટાભાગની બીનભાજપી પાર્ટીના નેતાઓએ કર્ણાટકમાં ભગવા સાશનને રોકવામાં સફળ રહ્યા તે આ આયોજનમાં દેખાયા.

સીએમ કુમારસ્વામી અને ડેપ્યુટી જી પરમેશ્વરે ભવ્ય વિધાનસભાના લોનમાં શપથ ગ્રહણ લીધા. આ દરમિયાન સમર્થકોની સાથે મંચ પર મોટી સંખ્યાવાળું ઝુંડ દેખાયું હતું. તેમાંથી મોટી ભાગના પીએમ મોદીના બીજા કાર્યકાળને રોકવાની પ્રબળ ઈચ્છાની સમાનતા દેખાઈ રહી છે.

કર્ણાટકમાં ભાજપ બહુમતીની નજીક આવીને અટકી ગયું, પણ આ પ્રદર્શનને જોઈને કોંગ્રેસ, જેડીએસ અને બીજા વિરોધીઓને એક થવાનો મોકો મળ્યો. વિધાનસભા ચૂંટણીમાં ભાજપનું પ્રદર્શન સાફ થઈ ગયું છે કે હજુ મોદી લહેર અકબંધ છે અને અમિત શાહે ભાજપને ચૂંટણી મશીનમાં બદલી નાખ્યું છે, જે એવી જગ્યાઓ પર પણ સારું પ્રદર્શન કરે છે ત્યાં સ્થિતિ વિરુદ્ધમાં હોય. ભાજપને રોકવા માટે બેચેન કોંગ્રેસ તાત્કાલિક કુમારસ્વામીને સમર્થન આપવા માટે આગળ આવી ગઈ અને પશ્ચિમ બંગાળના સીએમ મમતા બેનર્જીએ તેમને સખત વિરોધી સીપીએમના મહાસચિવ સીતારામ યેચુરી અને કેરળના મુખ્યમંત્રી પી વિજયન સાથે મંચ શેર કર્યું.

યુપીએના અધ્યક્ષ સોનિયા ગાંધીએ વિરોધી દળોની એકતા માટે મહત્વની ભૂમિતા ભજવી. ભગવાને રોકવા માટે આવો પડકાર 2004માં સોનિયા સામે હતો. ચૂંટણી પરિણામ આવતા પહેલા પૂર્વ કોંગ્રેસ અધ્યક્ષે જેડીએસના જૂના સાથી અને પૂર્વ પીએમ એચડી દેવેગૌડાને ફોન કરવામાં જરા પણ મોડું ન કર્યું. કોંગ્રેસે દેવેગૌડાના દીકરા કુમારસ્વામીને ખુલ્લી ઓફર આપી દીધી. સોનિયા ગાંધી સ્ટેજ પર લાલુ પ્રસાદ યાદવના દીકરા તેમના ઉત્તરાધિકારી મનાતા તેજસ્વી યાદવ સહિત અન્ય નેતાઓને આત્મીયતા સાથે મળ્યા. પણ માયાવતીની સાથે તેમની મુલાકાતે વધારે ધ્યાન ખેંચ્યું. આ દરમિયાન બીએસપી સુપ્રીમોએ પણ ગઠબંધન અંગે ઉષ્મા દર્શાવી.

 

(12:33 pm IST)