Gujarati News

Gujarati News

News of Wednesday, 24th April 2019

ઉત્તરપ્રદેશના પૂર્વ મુખ્યમંત્રી એન.ડી. તિવારીના પુત્ર રોહિત શેખર તિવારી હત્યાકાંડમાં પત્નીએ જ હત્યા કર્યાનું ખુલ્યુ

નવી દિલ્હી: ઉત્તર પ્રદેશના પૂર્વ મુખ્યમંત્રી એનડી તિવારીના પુત્ર રોહિત શેખર તિવારી હત્યાકાંડનો દિલ્હી પોલીસે ઉકેલ લાવી દીધો છે. બુધવારે દિલ્હી પોલીસે રોહિતની પત્ની અપૂર્વા તિવારીની ધરપકડ કરી છે. પોલીસ રિપોર્ટ અનુસાર રોહિત શેખર તિવારીની પત્ની અપૂર્વા તિવારીએ તેની હત્યા કરી હતી.

સતત નિવેદન બદલી રહી હતી અપૂર્વા તિવારી

પોલીસ સૂત્રોના જણાવ્યા અનુસાર રોહિતની પત્ની અપૂર્વા સતત મામલે નિવેદનો બદલી રહી હતી. જેના કારણે તેની તરફ શંકા ઉદ્ભભી હતી. ઘટનાની રાતને લઇને અપૂર્વાએ અત્યાર સુધીમાં ત્રણ વખત અલગ અલગ નિવેદન આપ્યા છે. જેના કારણે પોલીસની શંકા મજબૂત થઇ હતી. પોલીસે ઘટના બાદ રોહિતની પત્ની સહિત ઘરના 6 લોકોની પૂછપરછ કરી હતી.

એક સાથે બંધ થયો હતો રોહિત અને અપૂર્વાનો ફોન

રોહિત શેખર તિવારી હત્યાકાંડ મામલે તપાસ કરી રહેલી ટીમે જાણવા મળ્યું હતું કે, રોહિત શેખર તિવારીની પાસે બે મોબાઇલ નંબર હતા. બંનેની કોલ ડિટેલ્સ અનુસાર શેખરનો એક ફોન 15 તારીખની  સાંજે 6 વાગીને 30 મિનિટ પર બંધ થયો હતો. જ્યારે બીજો ફોન 15 તારીખની રાત્રે 9 વાગીને 30 મિનિટની આસપાસ બંધ થયો હતો. જોકે તેનું કારણ ડિફેન્સ કોલોનીમાં નેટવર્ક હોવાનું પણ હોઇ શકે છે. ત્યારબાદ સવારે એક નંબર પર 11 વાગે એટલે કે 16 એપ્રિલના એક કંપનીનો મેસેજ આવ્યો જે મોબાઇલ કંપનીનો હોય છે.

રોહિતની માતાએ લગાવ્યો અપૂર્વા પર ગંભીર આરોપ

ત્યારે મામલે રોહિતની માતા ઉજ્જવલાએ અપૂર્વા પર ગંભીર આરોપ લગાવ્યો છે. રોહિતની માતાનું કહેવું છે કે અપૂર્વા અને તેના પરિવારની નજર અમારી પ્રોપર્ટી પર હતી. પહેલા રોહિતની મોતના એક દિવસ બાદ તેમની માતાએ કહ્યું હતું કે તે હતાશ હતો.

16 એપ્રિલે શંકાસ્પદ પરિસ્થિતિમાં થઇ હતી મોત

રોહિત 16 એપ્રિલે શંકાસ્પદ પરિસ્થિતિમાં મૃત હાલતમાં મળ્યો હતો. સૂત્રોએ જણાવ્યું કે રોહિણીની ફોરેન્સિક લેબની વિશેષજ્ઞ પણ રવિવારના ડિફેન્સ કોલોનીમાં સ્થિત રોહિત તિવારીના ઘરે ગયા અને ઘટનાક્રમનું પુનરાવર્તન કર્યું હતું. તેમનું માનવું હતું કે ગળુ દબાવતા સમયે રોહિત દ્વારા પ્રતિરોધ કરવાના કોઇ પૂરવા નથી. દિલ્હી પોલીસે પોર્ટમાર્ટમ રિપોર્ટ આવ્યા બાદ રોહિત તિવારીની હત્યાનો મામલો નોંધ્યો હતો. રિપોર્ટમાં જણાવવામાં આવ્યું હતું કે, તિવારીની હત્યા ગળુ દબાવાથી શ્વાસ રોકાઇ જવાના કારણે થઇ છે.

(4:40 pm IST)
  • રાજકોટમાં આવતીકાલે આકરો તાપઃ ઓરેન્જ એલર્ટ જાહેર કરતા બંછાનીધી પાની : આવતીકાલે શહેરમાં ૪પ ડીગ્રી જેટલુ તાપમાન રહેશે access_time 4:19 pm IST

  • ચુંટણી જંગ માટે તૈયારઃ ગઇ કાલે નોર્થ-ઇસ્ટ દિલ્હી લોકસભા સીટ માટે ઉમેદવારી પત્ર ભરવા માટે આવેલાં દિલ્હીનાં ભૂતપૂર્વ મુખ્ય પ્રધાન શીલા દિક્ષીત access_time 11:22 am IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST