Gujarati News

Gujarati News

News of Wednesday, 24th April 2019

ગૌતમ ગંભીર ૧૪૭ કરોડનો માલિક : મનોજ તિવારી પાસે ૨૪ કરોડ રૂપિયા છે

દિલ્હીથી ચૂંટણી લડતા ઉમેદવારોની સંપત્તિ કેટલી?

નવી દિલ્હી તા. ૨૪ : લોકસભા ચૂંટણીમાં દિલ્હીની દરેક ઉમેદવારોમાં પૂર્વ ભારતીય ક્રિકેટર ગૌતમ ગંભીર સૌથી અમીર ઉમેદવાર છે અને તેમની કુલ સંપત્ત્િ। ૧૪૭ કરોડ રૂપિયાની છે. ક્રિકેટથી રાજનીતિમાં આવેલા ગંભીર પહેલી વખત ચૂંટણી લડી રહ્યાં છે અને પૂર્વ દિલ્હીથી મેદાનમાં ઉતરશે.

તેમણે ૨૦૧૭-૧૮ માટે દાખલ આઇટી રિટર્નમાં લગભગ ૧૨.૪૦ કરોડ રૂપિયાની આવક દેખાડી છે. તેમની પત્ની નતાશા ગંભીરે આ અવધિમાં દાખલ આઇટી રિટર્નમાં ૬.૧૫ લાખ રૂપિયાની આવક દર્શાવી છે. તેમણે ૧૪૭ કરોડ રૂપિયાની સ્થળાંતરક્ષમ અને સ્થાવર મિલકત હોવાની જાહેરાત સોગંદનામામાં કરી છે. ગંભીર દ્વારા આપવામાં આવેલી જાણકારી અનુસાર તેમણે બારાખંભા રોડ સ્થિત મોર્ડન સ્કૂલથી અભ્યાસ કર્યો છે અને દિલ્હી વિશ્વવિદ્યાલયની હિંદૂ કોલેજથી સ્નાતક કર્યું છે.

દિલ્હી ભાજપના અધ્યક્ષ મનોજ તિવારીએ સોગંદનામા અનુસાર તેમની કુલ સ્થળાંતરક્ષમ અને સ્થાવર મિલકત ૨૪ કરોડ રૂપિયા છે જેમાં ૨૦૧૪ની સરખામણીએ ૪.૩૩ કરોડ રૂપિયાનો વધારો થયો છે. ૨૦૧૭-૧૮ના આઇટી રીટર્ન અનુસાર તેમની આવક ૪૮.૦૩ લાખ રૂપિયા છે.

દક્ષિણ દિલ્હીથી ભાજપ સાંસદ રમેશ બિધૂડીએ તેમના સોગંદનામામાં ૧૮ કરોડ રૂપિયાની સ્થળાંતરક્ષમ અને સ્થાવર મિલકત દર્શાવી છે જેમાં છેલ્લા પાંચ વર્ષમાં ૩.૫ કરોડ રૂપિયાનો વધારો થયો છે. બિધૂડી અને તેમની પત્નીએ ૨૦૧૭-૧૮માં ક્રમશઃ ૧૬.૭૨ લાખ અને ૩.૦૯ લાખ રૂપિયાની આવક દર્શાવી છે.

દિલ્હી ઉત્તર-પૂર્વ બેઠક માટે કોંગ્રેસના ઉમેદવાર અને દિલ્હીનાં ભૂતપૂર્વ મુખ્ય પ્રધાન શીલા દીક્ષિતે એમની અંગત સંપત્તિની કિંમત રૂ. ૪.૯૨ કરોડ જણાવી છે. આ ૮૧ વર્ષનાં નેતાની વાર્ષિક કરપાત્ર આવક રૂ. ૧૫ લાખ હતી. નિઝામુદ્દીન વિસ્તારમાં એમનો એક ફલેટ છે, જેની માર્કેટ વેલ્યુ આશરે રૂ. ૧.૮૮ કરોડ છે.

કોંગ્રેસના એક અન્ય નેતા અને નવી દિલ્હીના ઉમેદવાર અજય માકને એમની વાર્ષિક આવક રૂ. ૨૬.૩૮ લાખ દર્શાવી છે.

(3:51 pm IST)
  • યુપી- રાજસ્થાનમાં આંધી- તોફાન- ધુળનું વાવાઝોડુ ફુંકાશેઃ ૩૦ થી ૫૦ કિ.મી.ની ઝડપે પવન ફૂંકાશેઃ તામીલનાડુ- શ્રીલંકાના પૂર્વીય તટો પર ૪૮ કલાકમાં ચક્રાવતી તોફાન ત્રાટકશે :અરબી સમુદ્ર તથા દક્ષીણ- પશ્ચિમ બંગાળાની ખાડી અને દક્ષીણ પૂર્વ શ્રીલંકા ઉપર ભૂમધ્ય લો પ્રેશર કાલે સર્જાઈ શકે છેઃ જે ૩૬ કલાકમાં ડિપ્રેશનમાં ફરે તેવી શકયતા છેઃ હિમાચલ, જમ્મુ- કાશ્મીર, બિહાર, ગંગીય પશ્ચિમ બંગાળ, ઓડીશા, છત્તીસગઢ અને દક્ષીણી આંતરીક કર્ણાટકમાં અલગ- અલગ જગ્યાએ ૩૦ થી ૪૦ કિ.મી. પવનની ગતી સાથે આંધી- તોફાન અને વિજળી પડી શકે છેઃ હવામાન ખાતુ access_time 3:48 pm IST

  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST