Gujarati News

Gujarati News

News of Wednesday, 24th April 2019

ચોથા તબક્કાના ચક્રવ્યુહને ભેદવા મોદી બંગાળમાં

પ્રિયંકા અને રાહુલ યુપીમાં

ર૯ એપ્રિલે ચોથા તબક્કાનું મતદાન

નવી દિલ્હી : લોકસભા ચૂંટણી માટે ત્રણ તબકકાનું મતદાન થઇ ચુકયું છે અને હવે ચોથા તબકકાનો વારો છે. ર૯ એપ્રિલે દેશના ૯ રાજયોની કુલ ૭૧ બેઠકો પર મતદાન થશે. જેમાં બિહાર, ઉત્તર પ્રદેશ અને રાજસ્થાન મુખ્ય છે. આ દરમ્યાન નેતાઓનો પ્રચાર આજે પણ ચાલુ જ રહેશે, વડાપ્રધાન નરેન્દ્ર મોદી આજે પૂર્વી રાજયોમાં ત્રણ રેલીઓ કરશે જયારે રાહુલ ગાંધીની સભાઓ આજે ઉત્તર પ્રદેશમાં છે.

ચોથા તબકકામાં બિહારની પાંચ, જમ્મુ કાશ્મીરની એક, ઝારખંડની ત્રણ, મધ્ય પ્રદેશની ૬, મહારાષ્ટ્રની સાત, ઓરિસ્સાની છ, રાજસ્થાનની તેર, ઉત્તર પ્રદેશની તેર અને પશ્ચિમ બંગાળની આઠ બેઠકો સામેલ છે.

કોંગ્રેસ પ્રમુખ રાહુલ ગાંધી આજે ઉત્તર પ્રદેશમાં રહેશે. રાહુલ આજે લખીમપુર ખીરી, ઉન્નાવ અને કાનપુરમાં ચૂંટણી સભાઓ કરશે. જયારે પ્રિયંકા ગાંધી આજે ઝાંસી, ફતેહપુર અને હમીરપુરમાં ચૂંટણી સભાઓ કરશે. સમાજવાદી પક્ષના પ્રમુખ અખિલેશ યાદવ આજે હરદોઇ અને કાનપુરમાં જનસભા કરશે, જયારે બસપા પ્રમુખ માયાવતી પણ આજે કાનપુરમાં જ રહેશે.

વડાપ્રધાન મોદી આજે ઝારખંડ અને પશ્ચિમ બંગાળમાં  પ્રચાર કરશે. તેઓ મંગળવારે રાત્રે જ  ઝારખંડની રાજધાની રાંચી પહોંચી ગયા હતાં. જયાં તેમણે રોડ શો કર્યો હતો. વડાપ્રધાન આજે ઝારખંડના ગુમલા, બંગાળના બોલપુર અને રાણાઘાટમાં ચૂંટણી સભાઓ કરશે. આ ઉપરાંત આજે તેમનો એક ઇન્ટરવ્યુ પણ આવવાનો છે જેના પર દરેકની નજર છે. આ ઇન્ટરવ્યુ બોલીવુડ અભિનેતા અક્ષયકુમાર લીધો છે.

(11:30 am IST)
  • લાખ્ખો યુવાઓને જેનું ઘેલું લાગ્યું છે તે સોશ્યલ મીડિયા એપ ટિકટોક પરનો પ્રતિબંધ ઉઠાવી લેતી મદ્રાસ હાઇકોર્ટની મદુરાઈ બેન્ચ : આ પહેલા મદ્રાસ હાઇકોર્ટની આ જ બેંચે ટિકટોક પર પ્રતિબંધ મૂક્યો હતો અને સુપ્રીમ કોર્ટ પણ તેને માન્ય રાખ્યો હતો access_time 7:45 pm IST

  • લોકસભા ચુંટણી ૨૦૧૯ : આજે સૌરાષ્ટ્ર-કચ્છમાં સૌથી ઓછુ મતદાન અમરેલીમાં અને સૌથી વધુ મતદાન રાજકોટમાં થયું છે : આખા રાજ્યમાં સૌથી ઓછુ મતદાન અમરેલીમાં અને સૌથી વધુ મતદાન વલસાડમાં થયું છે : ૨૦૧૪ની સરખામણીએ આ વખતે પણ આખા રાજ્યનાં વોટર ટર્નઆઉટની એવરેજમાં બહુ મોટો ફેર નથી પડ્યો - એટલે હવે એ જોવાનું રહ્યું કે ૪૫ લાખ નવા મતદાતાઓ કઈ દિશામાં લઈ જશે ગુજરાતની ૨૬ બેઠકોને access_time 10:44 pm IST

  • અધધધ....: જેટ એરવેઝ ઉપર ૯ ભારતીય બેન્કો અને ૨ વિદેશી બેન્કોનું અધધધ ૧૧,૨૬૧ કરોડનું દેવું : એસબીઆઇ : ૧૯૫૮ કરોડ : પંજાબ બેન્ક : ૧૭૪૬ કરોડઃ યસ બેન્ક ૮૬૯ કરોડ : આઇડીબીઆઇ ૭૫૨ કરોડ : કેનેરા બેન્ક ૫૪૫ કરોડ : બેન્ક ઓફ ઇન્ડિયા ૨૬૬ કરોડ : ઇન્ડિયન ઓવરસીઝ બેન્ક ૨૧૨ કરોડ અને સીન્ડીકેટ બેન્ક ૧૮૫ કરોડ : વિદેશી બેન્કો મસ્રેક બેન્ક ૧૪૦૦ કરોડ અને એસએસબીસી બેન્ક ૯૧૦ કરોડ access_time 4:02 pm IST