Gujarati News

Gujarati News

News of Wednesday, 24th April 2019

ઇરાન સામે કાર્યવાહી વચ્ચે તેલ કિંમતોમાં વધારો થયો

બ્રેન્ટ ક્રૂડની કિંમત વધીને ૭૪.૭૦ સુધી પહોંચ્યો : સોમવારના દિવસે બે ડોલર વધારો થયા બાદ વધુ વધારો

મુંબઈ, તા. ૨૩ : વિશ્વમાં ક્રૂડ ઓઇલની કિંમતમાં સતત વધારો થઇ રહ્યો છે. એનર્જીના શેરમાં પણ વધારો થઇ રહ્યો છે. ક્રૂડ ફ્યુચરમાં સોમવારના દિવસે ઉલ્લેખનીય વધારો થયો હતો. બ્રેન્ટ નોર્થ સી ક્રૂડની કિંમત આજે મંગળવારના દિવસે બેરલદીઠ ૭૪.૭૦ ડોલર સુધી પહોંચી ગઈ હતી જે નવેમ્બર બાદથી સૌથી ઉંચી સપાટી છે. છ મહિના ઉંચી સપાટી પણ જોવા મળી રહી છે. વિશ્વમાં તેલની કિંમતો પણ સતત વધી રહી છે. બ્રેન્ટ ક્રૂડની કિંમતમાં સોમવારના દિવસે બે ડોલરનો વધારો થયા બાદ તેમાં વધુ વધારો થવાના સંકેત દેખાઈ રહ્યા છે. અમેરિકા દ્વારા જાહેરાત કરવામાં આવી છે કે, જુદા જુદા દેશો ઉપર લાદવામાં આવેલા પગલા માફીને દૂર કરી લેવામાં આવશે. ઇરાન પાસેથી તેલની નિકાસને લઇને અમેરિકાના એકપક્ષીય નિયંત્રણોમાંથી જે દેશોને મુક્તિ આપવામાં આવી છે તે મુક્તિને હવે પરત ખેંચી લેશે. આ દેશોમાં ભારત, ચીન, તુર્કી, જાપાન, દક્ષિણ કોરિયા, તાઇવાન, ઇટાલી અને ગ્રીસનો સમાવેશ થાય છે. આ દેશો ઇરાનપાસેથી તેલની ખરીદી જારી રાખી શકશે  નહીં. ઇરાનમાં દરરોજનું તેલ ઉત્પાદન ૧.૩ મિલિયન બેરલ સુધી પહોંચી ગયો છે.

(12:00 am IST)
  • કોંગ્રેસ સત્તામાં હોય છે ત્યારે આતંકવાદીઓ અને માઓવાદીઓનો આત્મવિશ્વાસ વધે છે :વડાપ્રધાન મોદીએ કોંગ્રેસ પર આકારા પ્રહાર કરતા લોહરદગામાં ચૂંટણી સભાને સંબોધતા કહ્યું કે કોંગ્રેસ પાર્ટી માત્ર એક પરિવાર માટે વિચારે છે અને તેના માટે જ સમર્પિત છે :અન્ય તેના માટે માત્ર વોટબેન્ક છે access_time 1:08 am IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST

  • યુપી- રાજસ્થાનમાં આંધી- તોફાન- ધુળનું વાવાઝોડુ ફુંકાશેઃ ૩૦ થી ૫૦ કિ.મી.ની ઝડપે પવન ફૂંકાશેઃ તામીલનાડુ- શ્રીલંકાના પૂર્વીય તટો પર ૪૮ કલાકમાં ચક્રાવતી તોફાન ત્રાટકશે :અરબી સમુદ્ર તથા દક્ષીણ- પશ્ચિમ બંગાળાની ખાડી અને દક્ષીણ પૂર્વ શ્રીલંકા ઉપર ભૂમધ્ય લો પ્રેશર કાલે સર્જાઈ શકે છેઃ જે ૩૬ કલાકમાં ડિપ્રેશનમાં ફરે તેવી શકયતા છેઃ હિમાચલ, જમ્મુ- કાશ્મીર, બિહાર, ગંગીય પશ્ચિમ બંગાળ, ઓડીશા, છત્તીસગઢ અને દક્ષીણી આંતરીક કર્ણાટકમાં અલગ- અલગ જગ્યાએ ૩૦ થી ૪૦ કિ.મી. પવનની ગતી સાથે આંધી- તોફાન અને વિજળી પડી શકે છેઃ હવામાન ખાતુ access_time 3:48 pm IST