Gujarati News

Gujarati News

News of Wednesday, 24th April 2019

ચોકીદાર ચોર હૈ

રાહુલ ગાંધીના જવાબથી સુપ્રીમ કોર્ટ સંતુષ્ટ ન થતાં નોટિસ

ચોકીદાર ચોર હૈના મુદ્દે તકલીફ અકબંધ રહેશે : ચૂંટણીના પ્રચારમાં પણ રાહુલ ગાંધીને સાવચેતી રાખવી પડશે

નવીદિલ્હી, તા. ૨૩ : રાહુલ ગાંધીની મુશ્કેલી રાફેલ ડિલના મામલે કરવામાં આવેલા ચુકાદાને લઇને વધી રહી છે. સુપ્રીમ કોર્ટ રાહુલ ગાંધીના જવાબથી સંતુષ્ટ નથી જેના પરિણામ સ્વરુપે હવે નોટિસ ફટકારવામાં આવી છે. હવે આ મામલાની સુનાવણી થશે. એક રાષ્ટ્રીય પાર્ટીના લીડર તરીકે રાહુલ ગાંધીએ કરેલા નિવેદનથી તેમની પાર્ટીની પ્રતિષ્ઠાને પણ ફટકો પડી શકે છે. રાહુલ ગાંધી ચોકીદાર ચોર હૈને લઇને વારંવાર જાહેરસભામાં આક્રમક નિવેદન કરી રહ્યા હતા પરંતુ હવે રાહુલ ગાંધીની મુશ્કેલી વધી ગઈ છે. ભાજપના વરિષ્ઠ નેતા દ્વારા દાખળ કરવામાં આવેલા કેસના સંદર્ભમાં રાહુલ ગાંધીને આગામી દિવસોમાં પણ કાયદાકીય સકંજાનો સામનો કરવો પડશે. રિવ્યુ પિટિશન પર સુનાવણી વેળા સુપ્રીમ કોર્ટે મામલામાં સુનાવણી કરવાની તૈયારી દર્શાવી હતી. નવા પુરાવા આવ્યા બાદ સુપ્રીમ કોર્ટે કેસમાં આગળ વધવા સંકેત આપ્યો હતો. સુપ્રીમના ચુકાદા બાદ રાહુલ ગાંધીએ તરત જ નિવેદન કરતા કહ્યું હતું કે, સુપ્રીમ કોર્ટે પણ હવે કબૂલાત કરી લીધી છે કે ચોકીદાર ચોર હૈ. રાહુલના આ પ્રકારના નિવેદન બાદ હોબાળો મચી ગયો હતો અને ભાજપના લોકોએ આની નોંધ લીધી હતી.

(12:00 am IST)
  • પ.બં.ના મુખ્યમંત્રી મમતા બેનર્જી ઉપર બનાવેલ ફિલ્મ ભગીનીનું ટ્રેઇલર બતાવવા સામે ચુંટણીપંચે પ્રતિબંધ લાદયા access_time 3:42 pm IST

  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • લાખ્ખો યુવાઓને જેનું ઘેલું લાગ્યું છે તે સોશ્યલ મીડિયા એપ ટિકટોક પરનો પ્રતિબંધ ઉઠાવી લેતી મદ્રાસ હાઇકોર્ટની મદુરાઈ બેન્ચ : આ પહેલા મદ્રાસ હાઇકોર્ટની આ જ બેંચે ટિકટોક પર પ્રતિબંધ મૂક્યો હતો અને સુપ્રીમ કોર્ટ પણ તેને માન્ય રાખ્યો હતો access_time 7:45 pm IST