Gujarati News

Gujarati News

News of Tuesday, 24th April 2018

જમ્મુ -કાશ્મીરના ત્રાલ વનક્ષેત્રમાં સુરક્ષાદળો-આતંકીઓ વચ્ચે અથડામણ: ચાર આતંકીઓ ઠાર :બે જવાન શહીદ

માર્યા ગયેલા ચારેય આતંકવાદી જૈશ-એ-મોહમ્મદ સાથે જોડાયેલા

 

શ્રીનગરઃ જમ્મુ-કાશ્મીરના ત્રાલ વન ક્ષેત્રમાં સુરક્ષાદળો અને આતંકવાદીઓ વચ્ચે અથડામણમાં ચાર આતંકવાદીઓ ઠાર થયા છે અને બે જવાન શહીદ થયા છે શહીદ શુરક્ષાકર્મિઓમાં સેનાનો એક જવાન અને રાજ્યનો એક પોલીસકર્મિ સામેલ છે. પોલીસે જણાવ્યા પ્રમાણે માર્યા ગયેલા ચારેય આતંકવાદી જૈશ--મોહમ્મદ સાથે જોડાયેલા હતા

   મળતી વિગત મુજબ ત્રાલના વનક્ષેત્ર લામમાં આતંકવાદીઓએ છુપાયેલા હોવાની જાણકારી મળ્યા બાદ રાષ્ટ્રીય રાઇફલ્સ (આરઆર), રાજ્ય પોલીસ અને કેન્દ્રીય રિઝર્વ પોલીસ દળ (સીઆરપીએફ) સહિત સુરક્ષાદળોએ સંયુક્ત રૂપથી એક ઓપરેશન ચલાવ્યું હતું.42 રાષ્ટ્રીય રાઈફ્લસના સિપાહી અજય કુમાર એનકાઉન્ટરમાં ઈજાગ્રસ્ત થયા, તેમણે બાદમાં અહીં બાદામી બાગ સૈન્ય ક્ષેત્રમાં સેનાના 92 બેઝ હોસ્પિટલમાં અંતિમ શ્વાસ લીધા. એનકાઉન્ટરમાં ઈજાગ્રસ્ત જમ્મુ-કાશ્મીર પોલીસના લતીફ ગોજરીએ પણ બાદમાં દમ તોડી દીધો હતો

   સુરક્ષાદળોએ દક્ષિણ કાશ્મીરના પુલવામા જિલ્લાના ત્રાલ વિસ્તારમાં એક ઓપરેશન શરૂ કર્યું હતું. ઓપરેશન દરમિયાન સેના જ્યારે લામ ગાઓના જંગલોની પાસે પહોંચી તો છુપાયેલા આતંકીઓએ તેમના પર ફાયરિંગ શરૂ કરી દીધું. બાદમાં કેટલાક આતંકીઓ ભાગી ગયા પરંતુ કલાકોના ઓપરેશન બાદ સુરક્ષાદળોએ આતંકીઓને ઘેરી લીધા. બીજા આતંકીઓને શોધવા માટે ઓપરેશન ચાલું છે

(11:19 pm IST)
  • IPL 2018 : લો સ્કોરિંગ મેચમાં પંજાબનો દિલ્હી સામે ચાર રને વિજય : દિલ્હીની સતત પાંચમી હાર, પંજાબની સતત ચોથી જીત : શ્રેયસ ઐય્યરના 57 રન દિલ્હીને જીતાડી શક્યા નહીં : પંજાબે છેલ્લા બોલે દિલ્હીને 4 રને હરાવ્યું access_time 11:45 pm IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST