Gujarati News

Gujarati News

News of Tuesday, 24th April 2018

SCOમાં સુષ્માએ પાકિસ્તાનને ખંખેર્યું

આતંકવાદ જીવન, શાંતિ અને સમૃધ્ધિ જેવા મૂળ માનવાધિકારોનો દુશ્મન

બેજિંગ તા. ૨૪ : ચીનના શાંઘાઈમાં શાંઘાઈ કોર્પોરેશન ઓર્ગેનાઈઝેશનના રક્ષા તેમજ વિદેશપ્રધાનોની બેઠકમાં વિદેશપ્રધાન સુષમા સ્વરાજે જણાવ્યું કે આતંકવાદ એ જીવન, શાંતી અને સમૃદ્ઘિ જેવા મૂળ માનવાધિકારોનો દુશ્મન છે. સંરક્ષણપ્રધાન નિર્મલા સીતારમન અને વિદેશપ્રધાન સુષમા સ્વરાજ આ બેઠકમાં ભાગ લઈ રહ્યા છે. તેમણે જણાવ્યું કે સંરક્ષણવાદના તમામ રૂપોને ફગાવી દેવા જોઈએ.

SCOની સંરક્ષણ અને વિદેશપ્રધાનોની બેઠક એક જ સમયે યોજાઈ રહી છે. નિર્મલા સીતારમન ગઈકાલે રાત્રે ચીન પહોંચ્યા હતા. સંરક્ષણપ્રધાનો અને વિદેશપ્રધાનોની બેઠક જૂનમાં કિંગદાઓ શહેરમાં થનારા એસસીઓ શિખર સમ્મેલનની તૈયારીઓ અંતર્ગત થઈ રહી છે.

જૂન મહિનામાં થનારા શિખર સમ્મેલનમાં વડાપ્રધાન મોદી પણ ભાગ લે તેવી શકયતાઓ છે. ભારત અને પાકિસ્તાન ગત વર્ષે જ આના સભ્ય બન્યા છે અને ત્યારબાદ શીર્ષ પ્રધાન સ્તરની આ પ્રથમ બેઠકો છે. આજરોજ થઈ રહેલી બેઠકોમાં ક્ષેત્રીય સુરક્ષા અને આતંકવાદ સહિત અનેક મુદ્દાઓ પર ચર્ચા થવાની અને એસસીઓ શિખર સમ્મેલનનો એજન્ડા નક્કી થવાની આશા છે.

(5:07 pm IST)
  • અમરેલી:બીટ કોઈન મામલે એસ.પી.જગદીશ પટેલની ધરપકડ બાદ જીલ્લાની મુખ્ય બે બ્રાન્ચનુ વિસર્જન:એસ.ઓ.જી.બ્રાન્ચ ના 11 પોલીસ કર્મીને અન્ય પોલીસ સ્ટેશનમા કરાઇ બદલી: એલ.સી.બી ના 15 પોલીસ કર્મીના પરત અન્ય પોલીસ સ્ટેશનમા બદલી કરાઈ : ઇન્ચાર્જ એસ.પી.બી.એમ.દેસાઈએ કર્યા ઓડર access_time 1:13 am IST

  • રાજકોટ આજીડેમમાંથી નારણ સોલંકી નામના શખ્શની લાશ મળી : ફાયરબ્રિગેડની ટીમે લાશને પાણીમાંથી બહાર કાઢી : પોલીસે તપાસ શરુ કરી access_time 11:53 am IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST