Gujarati News

Gujarati News

News of Tuesday, 24th April 2018

૧૧ મેથી નેપાળની બે દિવસની મુલાકાત લેશે નરેન્દ્રભાઈ

વડાપ્રધાન જનકપુર જશે : હિંદુ તીર્થસ્થાન મુક્તિનાથની પણ મુલાકાત લ્યે તેવી સંભાવના

 નવી દિલ્હી: એપ્રિલ અને જુનમાં ચીનની બે મુલાકાતની વચ્ચે આગામી  ૧૧ મેથી બે દિવસ માટે વડાપ્રધાન નરેન્દ્ર ભાઈ મોદી નેપાળની મુલાકાત લેશે.

 ૨૦૧૫-૧૬માં ભારત નેપાળ સરહદ ઉપર આર્થિક નાકાબંધી પછી બંને દેશો વચ્ચેના સંબંધો વણસી ગયા છે. તેમાં ફરી ગરમાવો લાવવા વડાપ્રધાન નરેન્દ્ર ભાઈ મોદી આગામી ૧૧ મેના રોજ નેપાળની બે દિવસની મુલાકાતે જઇ રહ્યા છે.

 ૨૦૧૪ માં વડાપ્રધાન બન્યા પછી નરેન્દ્ર ભાઈ આ ત્રીજી વખત નેપાળ જઈ રહ્યા છે. તાજેતરમાં જ નેપાળના વડાપ્રધાન ભારતની મુલાકાતે આવી ગયા હતા.

 નેપાળના વડાપ્રધાનની ભારત મુલાકાત દરમિયાન જ નરેન્દ્રભાઈની નેપાળ મુલાકાતની વિગતો ઘડી કાઢવામાં આવી હતી.

 નરેન્દ્રભાઈ આ મુલાકાત દરમ્યાન જનકપુર પણ જશે ૨૦૧૪માં નેપાળના પ્રવાસ દરમ્યાન તેઓ જનકપુર જવાના હતા પરંતુ જઈ શક્યા ન હતા. આ વખતે હિંદુ તીર્થસ્થાન મુક્તિનાથની પણ મુલાકાત શ્રી મોદી લ્યે તેવી પૂરી સંભાવના છે.

(12:00 am IST)
  • દિલ્હીનો ખૂંખાર માફિયા ઠાર : નવી દિલ્હી નજીક નોઇડા ખાતે ખૂંખાર માફિયા બલરાજ ભટ્ટી એસટીએફ સાથેનાં એન્કાઉન્ટરમાં ઠાર મરાયો છે access_time 9:59 pm IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST