Gujarati News

Gujarati News

News of Tuesday, 24th April 2018

કર્મચારીઓનું મનોબળ વધારવા માટે રેલવેમાં ઉચ્ચ અધિકારીઓ તેમનાથી નીચલા વર્ગના કર્મચારીઓને તુંકારાને બદલે તમે કહીને બોલાવેઃ રેલવે બોર્ડના અધ્યક્ષ અશ્વિન લોહાનીનું સુચન

નવી દિલ્હીઃ રેલવેના ઉચ્ચ અધિકારીઓ તેનાથી નીચેના વર્ગના કર્મચારીઓને તુંકારો કહીને નહીં પરંતુ તમે કહીને સંબોધીત કરે તેવો નિર્દેશ રેલવે બોર્ડના અધ્યક્ષ અશ્વિન લોહાનીઅે આપ્યો હતો. લોહાનીએ ગત અઠવાડિયે રેલવે કર્મચારીઓનું મનોબળ વધારવા માટે આવો નિર્દેશ કર્યો હતો.

રેલવેના તમામ સંચાલકો અને વિવિધ વિભાગોને મોકલવામાં આવેલા સંદેશમાં લોહાનીએ કહ્યું છે કે, 'અનેક સુપરવાઇઝર અને કર્મીઓ મને ફરિયાદ કરે છે કે અધિકારીઓ તેમને 'તમે' કહીને નહીં પરંતુ 'તુ' અને 'તે' કહીને બોલાવે છે. આ અશોભનિય વ્યવહાર છે અને આપણા આપણા કર્મચારીઓ સાથે વાતચીત કરતી વખતે સારી અને માન જળવાઈ રહે તેવી ભાષાનો ઉપયોગ કરવો જોઈએ.'

તેમણે કહ્યું, 'આપણે એક સભ્ય સંગઠન બનાવવું છે અને સારો વ્યવહાર કરવાનો છે. મહેરબાની કરીને આ મોરચે પણ બધાથી આગળ રહો.'

નોંધનીય છે કે રેલવેમાં વીઆઈપી સંસ્કૃતિને ખતમ કરવા માટે અને ભારતીય રેલવેમાં પ્રોટોકોલનું પાલન થાય તે માટે લોહાની સમયાંતરે આવા પ્રકારના નિર્દેશ આપતા રહે છે.

(6:04 pm IST)
  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • અમરેલી:બીટ કોઈન મામલે એસ.પી.જગદીશ પટેલની ધરપકડ બાદ જીલ્લાની મુખ્ય બે બ્રાન્ચનુ વિસર્જન:એસ.ઓ.જી.બ્રાન્ચ ના 11 પોલીસ કર્મીને અન્ય પોલીસ સ્ટેશનમા કરાઇ બદલી: એલ.સી.બી ના 15 પોલીસ કર્મીના પરત અન્ય પોલીસ સ્ટેશનમા બદલી કરાઈ : ઇન્ચાર્જ એસ.પી.બી.એમ.દેસાઈએ કર્યા ઓડર access_time 1:13 am IST

  • સુરત પાસે બે ડમ્પર વચ્ચે ચ્મ્ખ્વાર અકસ્માત : અકસ્માત થતા ડમ્પર વિઝ્દીના થાંભલા સાથે ભટકાતા, થાંભલો તૂટીને ડમ્પર પર પડ્યો : શોટસર્કીટ થતા ડમ્પર ભસ્મીભૂત થઈ ગયું access_time 8:44 pm IST