Gujarati News

Gujarati News

News of Wednesday, 24th February 2021

બિહારના સીતામઢીમાં દારૂ માફિયાને પકડવા ગયેલી પોલીસ પર ગોળીબાર : સબ-ઇન્સ્પેક્ટરનું મોત: એક ઘાયલ

એન્કાઉન્ટરમાં એક દારૂનો વેપારી રંજન સિંહ પણ માર્યો ગયો દારૂ માફિયા સાથે સંબંધ રાખનાર લોકોની ધરપકડ

બિહારના સીતામઢી જિલ્લામાં બુધવારે સવારે શરાબ માફિયા સાથેના એન્કાઉન્ટરમાં એક સબ ઇન્સપેક્ટનું મોત નિપજ્યુ છે. આ ઘટનામાં એક અન્ય પોલીસકર્મી પણ ગંભીર રીતે ઇજાગ્રસ્ત થયો છે. મૃતક આસિસ્ટન્ટ સબ ઇન્સપેક્ટરનું નામ દિનેશ રામ છે અને ઇજાગ્રસ્ટ પોલીસકર્મીનું નામ લાલબાબૂ પાસવાન છે. બંને પોલીસકર્મીની સીતામઢીના મેજરગંજ પોલીસ સ્ટેશનમાં પોસ્ટિંગ હતી. ઘટના મેજરગંજ પોલીસ સ્ટેશન હેઠળ આવતા કોઆરી મદન ગામની છે, જ્યાં ગુપ્ત માહિતીના આધારે બુધવારે સવારે પોલીસની ટીમ કોઆરી ગામમાં દરોડા પાડવા પહોંચી હતી

પોલીસને જાણકારી મળી હતી કે ગામમાં ગેરકાયદેસર રીતે દારૂનો વેપાર ચાલી રહ્યો છે અને ત્યારબાદ ગામમાં દરોડા પાડવા માટે પોલીસની એક ટીમ પહોંચી હતી. પોલીસની ટીમ જેમ જ ગામમાં પહોંચી દારૂ માફિયાએ પોલીસ પર ગોળીબાર શરૂ કરી દીધો, જેમાં એસઆઈ દિનેશ રામ અને ચોકીદાર લાલબાબૂ પાસવાનને ગોળી વાગી. મળતી માહિતી મુજબ ઘટનાસ્થળથી હોસ્પિટલ લઇ જતા એસઆઈ દિનેશ રામનું મોત નિપજ્યુ હતુ, જ્યારે ચોકીદાર લાલબાબૂ પાસવાનની સારવાર ચાલી રહી છે. ચોકીદારની સ્થિતિ ગંભીર છે. 

દારૂ માફિયા સાથે થયેલા એન્કાઉન્ટરના સમાચારે સમગ્ર જિલ્લામાં સનસની ફેલાવી છે. ઘટનાના તરત બાદ પોલીસના ટોચના અધિકારી ગામમાં પહોંચ્યા અને દારૂ માફિયા સાથે સંબંધ રાખનાર લોકોની ધરપકડની કાર્યવાહી શરૂ કરી દીધી છે. પોલીસ સાથે એન્કાઉન્ટરમાં એક દારૂનો વેપારી રંજન સિંહ પણ માર્યો ગયો. હતો

આ ઘટના પછી પોલીસે સમગ્ર ગામને છાવણીમાં ફેરવી દીધુ છે. શહીદ એસઆઈ દિનેશ રામ મોતિહારી જિલ્લાના રહેવાસી હતા. ઉલ્લેખનીય છે કે થોડા ક દિવસ પહેલા ગોપાલગંજ અને મુઝફ્ફરપુરમાં ઝેરી દારૂ પીવાથી 7 લોકોનાં મોત નીપજ્યાં હતાં.

(12:51 am IST)
  • ત્રંબામાં સાંજે પ્રથમવાર મુખ્યમંત્રીની જાહેરસભા : મુખ્યમંત્રી શ્રી વિજયભાઈ રૂપાણી આજે સાંજે રાજકોટ શહેર-જિલ્લાની મુલાકાતે છે. તેઓ આજે સાંજે ૭ વાગ્યે ત્રંબા કસ્તુરબાધામ ત્રંબા ખાતે ભાજપનો પ્રચાર કરશે. ગામમાં મુખ્યમંત્રીની ચૂંટણી સભા પ્રથમ વખત યોજાઈ રહી છે. જિલ્લા પંચાયતની ત્રંબા બેઠક પર ભાજપના ઉમેદવાર તરીકે ભૂપત બોદર ચૂંટણી લડી રહ્યા છે. access_time 4:13 pm IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST