Gujarati News

Gujarati News

News of Wednesday, 24th February 2021

કોરોનાના નવા સ્ટ્રેન પે નજર રાખવી જરૂરી : રસી ચોક્કસપણે ગંભીર ચેપને રોકશે :.AIIMS ડાયરેક્ટર

રસી ડોઝની કિંમત ઉત્પાદકો અને હૉસ્પિટલો સાથે વાટાઘાટ બાદ કિંમત નક્કી કરાશે

નવી દિલ્હી : દેશમાં 1 માર્ચથી કોરોના રસીકરણના નિયમોમાં ફેરફાર કરવામાં આવી રહ્યા છે. હવે 45 વર્ષથી વધુ ઉંમરના બીમાર લોકો પણ રસી લઇ શકશે. સરકારી હોસ્પિટલોમાં આ રસીકરણ મફત હશે, તો ખાનગી હોસ્પિટલોમાં પૈસા ચુકવવા પડશે. આવી સ્થિતિમાં લોકોમાં રસીના ખર્ચ અંગે પણ અટકળો કરવામાં આવી રહી છે. દરમિયાન, AIIMSના ડિરેક્ટર રણદીપ ગુલેરિયાએ સંકેત આપ્યો છે કે, ખાનગી હોસ્પિટલોમાં પણ આ રસીના ભાવ વ્યાજબી રાખવામાં આવશે.રિપોર્ટ પ્રમાણે AIIMSના ડિરેક્ટરે કહ્યું છે કે ખાનગી હોસ્પિટલોમાં રસીના ખર્ચમાં જરૂરી ખર્ચ ઉમેરવામાં આવશે, જેથી હોસ્પિટલોને કોઈ નુકસાન ન પહોંચે.

આ પહેલા પણ આવું કોવિડ ટેસ્ટિંગના સંબંધમાં કરવામાં આવ્યું છે. આવું એ માટે કરવામાં આવ્યું હતુ કારણ કે કોવિડ ટેસ્ટિંગની કિંમતોનો દુરૂપયોગ ના થાય. રસીકરણના સંદર્ભમાં પણ આવું જ બનશે. ગુલેરિયાએ કહ્યું છે કે વર્તમાન રસી ચોક્કસપણે ગંભીર ચેપને અટકાવશે. તેમણે કોરોનાના નવા સ્ટ્રેનથી સંબંધિત મૃત્યુ દરની ચિંતા પર આ કહ્યું હતું. તેમણે કહ્યું કે અમારી પાસે જે વેક્સિન છે તેનો એફિકેસી રેટ 70, 80, 90 ટકા જેટલો છે. તેથી જો એફિેકેસી દરમાં થોડો ઘટાડો કરવામાં આવે તો પણ તે અસરકારક સાબિત થશે.

ગુલેરિયાએ કહ્યું કે, ચિંતા કરવાને બદલે આપણે પરિસ્થિતિને વધુ ઊંડાણપૂર્વક જોવાની અને નજર રાખવાની જરૂર છે. કોરોનાના બધા પ્રકારો પર નજર રાખવાની રહેશે. આ સાથે, આપણે નવા પ્રકારોને ધ્યાનમાં રાખીને પણ રસી બદલવાનું વિચારવું પડશે. આ અગાઉ કેન્દ્રીય મંત્રી પ્રકાશ જાવડેકરે કહ્યું હતું કે, જેમને ખાનગી હોસ્પિટલોમાં રસી લેવાની ઇચ્છા હોય તેમણે પૈસા ચૂકવવા પડશે. તેમણે કહ્યું હતું કે આરોગ્ય મંત્રાલય રસી ડોઝની કિંમત ત્રણથી ચાર દિવસમાં નક્કી કરશે. ઉત્પાદકો અને હૉસ્પિટલો સાથે વાટાઘાટ બાદ કિંમત નક્કી કરવામાં આવશે.

(11:48 pm IST)
  • કેરળ સરકારનો મોટો નિર્ણય : સબરીમાલા અને સીએએ વિરોધી સામેના કેસ પાછા ખેચશે : કોંગ્રેસ નેતૃત્વ વાળા યુડીએફએ સરકારના આ નિર્ણયને આવકાર્યો : જયારે ભાજપે ભગવાન અયપ્પાના ભક્તો વિરુદ્ધ કેસ દાખલ કરવા બદલ મુખ્યમંત્રી પાસે માફીની માંગ કરી access_time 12:40 am IST

  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST

  • દેશના બીજા નંબર સ્ટોક એક્સચેન્જ એનએસસીમાં મોટો ફોલ્ટ : દેશભરમાં શેરોના કામકાજ ઠપ્પ : હજારો બ્રોકરોને અસર : આજે સવારે ૧૧:૪૦ કલાકે નેશનલ સ્ટોક એક્સચેન્જમાં મોટો ટેકનીકલ ફોલ્ટ થતાં આ શેરબજાર બંધ કરી દેવાયુ છે : ઉચ્ચ અધિકારીઓ આ ફોલ્ટ માટે દોડી ગયા છે : એનએસસીમાં ફયુચર અને ડે ટુ ડે સોદા તથા ડિલીવરી કામકાજા બંધ થઈ જતાં દેશભરના હજારો બ્રોકરો અને લાખો ગ્રાહકોને મોટી અસર થઈ છે : સોદા અટકી પડતા દેકારો બોલી ગયો છે : મુંબઈ શેર બજાર રેગ્યુલર ચાલુ હોવાનું અધિકારી વર્તુળોએ જણાવ્યુ હતું access_time 12:00 pm IST