Gujarati News

Gujarati News

News of Wednesday, 24th February 2021

રિલાયન્સ કેપિટલ ૪૯ વખત ડિફોલ્ટ થઈ, વ્યાજ ન ચુકવ્યું

અનિલ અંબાણીના બૂરે દિન યથાવત : ડિસેમ્બર ક્વાર્ટરના રિઝલ્ટમાં કંપનીએ નોન કન્વર્ટેબલ ડિબેન્ચરનો ૧૪૦૦૦ કરોડ રૂપિયાનો બોજો હોવાનું જણાવ્યું

નવી દિલ્હી, તા. ૨૪ : અનિલ અંબાણી અને તેમની કંપનીઓનો સૌથી ખરાબ સમય ચાલી રહ્યો છે.અનિલ અંબાણીની કંપની રિલાયન્સ કેપિટલ ફરી એક વખત નોન કન્વર્ટિબલ ડિબેન્ચરનુ ઈન્ટરેસ્ટ ચુકવવામાં નિષ્ફળ ગઈ છે.

કંપનીએ ૨૧ ફેબ્રુઆરીએ ઈન્ટરેરસ્ટ ચુકવવાનુ હતુ પણ તેમાં તે નિષ્ફળ ગઈ હતી.અનિલ અંબાણીની કંપની ૪૯મી વખત ડિફોલ્ટર થઈ છે.

એક અંગ્રેજી અખબારના અહેવાલ પ્રમાણે ડિસેમ્બર ક્વાર્ટરના રિઝલ્ટમાં કંપનીએ કહ્યુ હતુ કે, કંપની પર નોન કન્વર્ટેબલ ડિબેન્ચરનો ૧૪૦૦૦ કરોડ રુપિયાનો બોજો છે.કંપની દેવુ ચોકાવવા માટે પોતાની સંપત્તિ વેચવા માટે કાર્યવાહી કરી છે.આ માટે રસ ધરાવતી પાર્ટીઓ પાસે પ્રસ્તાવો પણ મંગાવાયા છે.

રિલાયન્સ કેપિટલે છેલ્લા એક વર્ષમાં એચએચડીએફસી અને એક્સિસ બેક્નની લોનના ૧૧ હપ્તા ચુકવ્યા નથી.આ બંને બેક્નો પાસે અનુક્રમે ૫૨૪ કરોડ અને ૧૦૧ કરોડની લોન કંપનીએ લીધેલી છે.

રિલાયન્સ કેપિટલ પર કુલ ૨૦૫૧૧ કરોડ રુપિયાનુ દેવુ છે અને છેલ્લા ક્વાર્ટરના જાહેર થયેલા પરિણામમાં કંપનીને ૪૦૧૮ કરોડની ખોટ ગઈ હોવાનુ દર્શાવાયુ છે.

(7:20 pm IST)
  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST

  • પ્રયાગરાજમાં પ્રદર્શન કરતા વિદ્યાર્થીઓને પોલીસે દોડાવી -દોડાવીને માર્યા : ધરણા સ્થળ છાવણીમાં તબદીલ :એકાદ ડઝન છાત્રોની અટકાયત :નોકરીની માંગ કરતા વિદ્યાર્થીઓને પોલીસે માર્યા :ખાલી પડેલા સેંકડો પદોપર ભરતીની માંગ સાથે વિધાર્થીઓ રસ્તા પર ઉતર્યા access_time 12:37 am IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST