Gujarati News

Gujarati News

News of Wednesday, 24th February 2021

એશિયન પ્રજાજનો ઉપર થતા હુમલાઓને વખોડી કાઢતું એશિયન અમેરિકન ફેડરેશન : એશિયન ,બ્લેક ,તથા હિસપોનિક નાગરિકો ઉપર થઇ રહેલા હુમલાઓની સંખ્યામાં જોવા મળી રહેલો સતત વધારો


વોશિંગટન : યુ.એસ.માં એશિયન પ્રજાજનો ઉપર છાશવારે હુમલાઓ થતા જોવા મળી રહ્યા છે.આ પ્રજાજનો કામ પર જતા હોય ત્યારે તેના ઉપર હુમલો કરી કાન કાપી નાખવા ,બુઝર્ગ લોકોને લાતો મારવી ,તેમને ઉપાડી જઈ હત્યા કરી નાખવી ,જેવા બનાવો સામાન્ય બની ગયા છે.

એક બાજુ વર્તમાન સમયમાં નાના રોજગારો બંધ થઇ ગયા છે.આર્થિક મંદી જોવા મળી રહી છે.જેમાં અસ્તિત્વ ટકાવવું પણ મુશ્કેલ બની ગયું છે.તેવા સંજોગોમાં છેલ્લા એક વર્ષથી જાતિવાદી અને હિંસક હુમલાઓએ સહનશક્તિની હદ વટાવી દીધી છે.

2020 ની સાલની શરૂઆતથી પ્રારંભથી, એશિયન અમેરિકન ફેડરેશન તથા   અન્ય રાષ્ટ્રીય નેતાઓ દ્વારા એકત્ર કરાયેલા અહેવાલો મુજબ , ન્યૂ યોર્ક સિટીમાં આપણા સમુદાય ઉપર થઇ રહેલા હિંસક હુમલાઓની  ઘટનાઓ તથા  નફરતનાં ગુનાઓના 500 જેટલા અહેવાલો પ્રાપ્ત થયા છે . તે સિવાય ન નોંધાયેલી ઘટનાઓની સંખ્યા પણ મોટી છે .

 

આથી હવે અમે અમારા નેતાઓ તથા  ન્યુ યોર્કર્સને અમારા સમુદાય ઉપર  નફરતનાં ગુનાઓની વધતી જતી સંખ્યા પ્રત્યે ધ્યાન દોરીએ છીએ.કે હવે સ્પષ્ટપણે અવાજ ઉઠાવવાનો સમય આવી ગયો છે.  એશિયન ઇમિગ્રન્ટ સમુદાય, જેમના ઘણા લોકો ફ્રન્ટલાઈન કામદાર તરીકે કામ કરી રહ્યા છે તેમની સાથે પણ કરાતું ઓરમાયું વર્તન અને તેઓને કાયમી વિદેશી ગણવાની દાનત પીડાદાયી છે. દાયકાઓથી, આપણા સમુદાયે  સહન કર્યું છે, 


અમે અમારા પડોશીઓ અને તમામ સમુદાયોના મિત્રોને અમારા પ્રત્યેની નફરતને નાબૂદ કરવા અમારી સાથે ઉભા રહેવા અનુરોધ કરીએ છીએ.
નેતાઓને COVID-19 દરમિયાન અને પછીના ઉપચાર માટે મદદરૂપ થવા અનુરોધ કરીએ છીએ.


ઉપરોક્ત ઝુંબેશમાં એશિયન અમેરિકન ફેડરેશન સાથે પબ્લિક હેલ્થ અધિકાર ,આફ્રિકન કોમ્યુનિટી ,આરબ કોમ્યુનિટી ,લીગલ એન્ડ એજ્યુકેશન ફંડ ,ચાઇનીસ અમેરિકન કાઉન્સિલ ,સહિતના સંગઠનો જોડાયેલા છે.તેવું શ્રી મીરા વેણુગોપાલની યાદી જણાવે છે.

(7:09 pm IST)
  • વાહ !!! ક્લાઈમેટ ચેન્જની ચર્ચા દરમિયાન યુએનએસસીની બેઠકમાં ભારતે પ્રથમ વખત સંસ્કૃતનો ઉપયોગ કર્યો : કેન્દ્રીય પર્યાવરણ, વન અને આબોહવા પરિવર્તન પ્રધાન પ્રકાશ જાવડેકરે શુકલા યજુર્વેદના ટૂંકી સ્તુતિ સાથે ભારતના સંબોધનની શરૂઆત કરી હતી. access_time 11:19 pm IST

  • ત્રંબામાં સાંજે પ્રથમવાર મુખ્યમંત્રીની જાહેરસભા : મુખ્યમંત્રી શ્રી વિજયભાઈ રૂપાણી આજે સાંજે રાજકોટ શહેર-જિલ્લાની મુલાકાતે છે. તેઓ આજે સાંજે ૭ વાગ્યે ત્રંબા કસ્તુરબાધામ ત્રંબા ખાતે ભાજપનો પ્રચાર કરશે. ગામમાં મુખ્યમંત્રીની ચૂંટણી સભા પ્રથમ વખત યોજાઈ રહી છે. જિલ્લા પંચાયતની ત્રંબા બેઠક પર ભાજપના ઉમેદવાર તરીકે ભૂપત બોદર ચૂંટણી લડી રહ્યા છે. access_time 4:13 pm IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST