Gujarati News

Gujarati News

News of Wednesday, 24th February 2021

કેન્સર દર્દી સાથે અમાનવીય છેતરપીંડી કરનાર મૌલાના અલી કાદરીની ધરપકડ

મુખ્યમંત્રી રાહત ભંડોળ માંથી નાણા અપાવી દેવાનું ઠગારૃં વચન આપ્યું

હૈદરાબાદ : અહિંની પોલીસે મંગળવારે સવારે એક મુસ્લિમ ધર્મગુરૂની જુના શહેરમાંથી ધરપકડ કરી હતી. તેમને એક કેન્સરના દર્દી તેલંગણાના મુખ્યમંત્રીના રાહત ભંડોળમાંથી નાણાકીય સહાય મેળવી આપાવનું વચન આપીને છેતરપિંડી કરી હતી આ કેસમાં સંબંધિત આરોપમાં તેમની ધરપકડ કરવામાં આવી હતી.

સ્ત્રોત અનુસાર મુસ્લિમ ધાર્મિક સંસ્થાના અધ્યક્ષ મૌલાના અલી કાદરીએ એક કેન્સર પિડીત શખ્સ જમીલ સીદ્દીકી પાસેથી બે લાખ રૂપિયા લીધા હતા. કાદરીએ આ કેન્સર દર્દીને મુખ્યમંત્રી રાહત ભંડોળમાંથી નાણાકીય સહાય પુરી પાડવાનું વચન આપ્યું હતું. નોંધપાત્ર છે કે કાદરી મુસ્લિમ ધાર્મિક નેતાઓના પ્રતિનિધિ મંડળના એક સભ્ય હતા, જેમણે જાન્યુઆરી ૨૦૨૦માં રાષ્ટ્રીય સુરક્ષા સલહાકાર અજીત ડોવલની મુલાકાત લીધી પછી જમ્મુ -કાશ્મીરનો પ્રવાસ કર્યો હતો. પોલીસના જણાવ્યા અનુસાર, કાદરીએ કથિત રૂપે નાણા લીધા હતા પણ કેન્સર દર્દીને રાહત નહોતી પહોંચાડી, જેના કારણે આઇપીસી કલમ ૪૨૦ (છેતરપિંડી) અને ૪૦૬ (વિશ્વાસભંગ) હેઠળ કેસ નોંધવામાં આવ્યો છે. મંગળવારે સવારે કમિશનર ટાસ્ક ફોર્સ પોલીસના તપાસ કર્તાઓએ કાદરીને ઝડપી લીધા બાદ તપાસ હાથ ધરી હતી.

(11:48 am IST)
  • યમુના એકસપ્રેસ વે ઉપર મોતનું તાંડવઃ ૭ના જીવ લીધા : આગ્રા-દિલ્હી યમુના એકસ્પ્રેસવે ઉપર એક ટેન્કર બેકાબુ બનતા ઈનોવા કાર સાથે અથડાયેલ અને ૨ મહિલા સહિત ૭ના સ્થળ પર જ મૃત્યુ થયા હતા. મજીરા-અલીગઢ બોર્ડર ઉપર આ ભયાનક દુર્ઘટના સર્જાયેલ. ઈનોવા કારના ભૂક્કા બોલી ગયા હતા. મૃત્યુ પામેલાની ઓળખ જીંદ-સફીદોંના મનોજ, બબિતા, અભય, હેમંત, કલ્લુ, હિમાદ્રી અને ડ્રાઈવર રાકેશ તરીકે થયા છે. access_time 10:12 am IST

  • સ્પાઈસ જેટ એરલાઈન્સ આગામી ૭ માર્ચથી રાજકોટ – મુબઇ વચ્ચે ડેઈલી ફલાઈટ શરૂ થશે : રાજકોટથી બોમ્બે અને દિલ્હી વચ્ચે ફલાઈટ ઉડાડતી સ્પાઈસ જેટ એરલાઈન્સ ૭ માર્ચથી રાજકોટ - મુબઈ વચ્ચે બીજી ડેઈલી ફલાઈટ શરૂ કરશે : ફલાઈટનો સમય સાંજે ૭:૧૦ મીનીટે આવશે સાંજે ૭:૪૦ રવાના થશે access_time 6:02 pm IST

  • દેશના બીજા નંબર સ્ટોક એક્સચેન્જ એનએસસીમાં મોટો ફોલ્ટ : દેશભરમાં શેરોના કામકાજ ઠપ્પ : હજારો બ્રોકરોને અસર : આજે સવારે ૧૧:૪૦ કલાકે નેશનલ સ્ટોક એક્સચેન્જમાં મોટો ટેકનીકલ ફોલ્ટ થતાં આ શેરબજાર બંધ કરી દેવાયુ છે : ઉચ્ચ અધિકારીઓ આ ફોલ્ટ માટે દોડી ગયા છે : એનએસસીમાં ફયુચર અને ડે ટુ ડે સોદા તથા ડિલીવરી કામકાજા બંધ થઈ જતાં દેશભરના હજારો બ્રોકરો અને લાખો ગ્રાહકોને મોટી અસર થઈ છે : સોદા અટકી પડતા દેકારો બોલી ગયો છે : મુંબઈ શેર બજાર રેગ્યુલર ચાલુ હોવાનું અધિકારી વર્તુળોએ જણાવ્યુ હતું access_time 12:00 pm IST