Gujarati News

Gujarati News

News of Tuesday, 23rd February 2021

દાદરાનગર હવેલીના સાંસદ મોહન ડેલકરની અંતિમ યાત્રા: પાર્થિવ દેહના દર્શનાર્થે હજારો લોકો ઉમટ્યા

અંતિમ દર્શન માટે ભાજપ સહિત પ્રદેશની તમામ રાજકીય પાર્ટીઓના અગ્રણીઓ અને કાર્યકર્તાઓ ઉમટ્યા

સંઘપ્રદેશ દાદરાનગર હવેલીના સાંસદ મોહન ડેલકરના નિધન બાદ પ્રદેશમાં શોકનો માહોલ છે. રાત્રે તેમના મૃતદેહને સેલવાસ લાવવામાં આવ્યો હતો. અને આજે સવારથી સેલવાસના આદિવાસી ભવન પર પાર્થિવ દેહને અંતિમ દર્શન માટે લાવવામાં હતો. ત્યારે મોહન ડેલકરના અંતિમ દર્શન માટે ભાજપ સહિત પ્રદેશની તમામ રાજકીય પાર્ટીઓના અગ્રણીઓ અને કાર્યકર્તાઓ પણ મોટી સંખ્યામાં ઉમટયા હતા

સંઘ પ્રદેશ દમણ અને દીવના સાંસદ લાલુ પટેલ, અને દાદરાનગર હવેલીના ભાજપના આગેવાનો પૂર્વ સાંસદ નટુભાઇ પટેલે પણ પાર્થિવ દેહના અંતિમ દર્શન કરી શ્રદ્ધાંજલિ આપી હતી.

તેમના પરિવારજનોને સાંત્વના પણ આપી હતી. મહત્વપૂર્ણ છે કે, સતત 7 ટર્મ સુધી મોહન ડેલકર પ્રદેશના રાજકારણમાં સૌથી મોટું નામ હતું. અને અત્યાર સુધી મોહન ડેલકર અપક્ષ, નવ પાર્ટી, કોંગ્રેસ અને ભાજપમાંથી પણ ચૂંટણી લડી અને જીત્યા હતા.

સાત ટર્મ સુધી દાદરા નગરહવેલીનું પ્રતિનિધિત્વ લોકસભામાં કર્યું હતું. ત્યારે જો કે, આજે અંતિમ દર્શન વખતે રાજકીય અગ્રણીઓએ પણ મોહન ડેલકરને પ્રદેશના કદાવર નેતા ગણાવ્યા હતા. તેમના નિધનથી પ્રદેશના રાજકારણમાં એક પ્રકારનો શૂન્યાવકાશ સર્જાયો હોવાનું પણ ભાજપ અગ્રણીઓએ પ્રતિક્રિયા વ્યક્ત કરી હતી. સંઘપ્રદેશ દાદરાનગર હવેલીના ભાજપના પ્રદેશ અગ્રણી ફતેસિંહ ચૌહાણે મોહન ડેલકરના રાજકીય સફર વિશે પણ વાત કરી હતી. અને મોહન ડેલકર પ્રદેશના રાજકારણમાં સૌથી મોટું નામ હોવાનું માન્યું હતું.

   દમણ-દીવનાં સાંસદ લાલુભાઇ પટેલે પમ મોહન ડેલકર ના નિધન પર દુઃખ વ્યક્ત કર્યું હતું. અને પોતાના એક સારા મિત્ર ગુમાવ્યો હોવાનો અફસોસ વ્યક્ત કર્યો હતો. જોકે વધુમાં મીડિયા સામે પ્રતિક્રિયા આપતા લાલુભાઇ પટેલે મોહન ડેલકરના નિધનથી પ્રદેશના આદિવાસી સમાજ એ છત ગુમાવી દીધી હોવાનું જણાવ્યું હતું. સાથે જ તેમના મોતને લઈને અનેક રહસ્યો ઘેરાયા છે. ત્યારે લાલુભાઇ પટેલે પણ મોહન ડેલકરના શંકાસ્પદ મોતને લઈને પ્રતિક્રિયા આપતા જણાવ્યું હતું છે કે, સરકાર તપાસ કરશે. અને દૂધનું દૂધ અને પાણીનું પાણી થઇ જશે.

(12:31 am IST)
  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST

  • યમુના એકસપ્રેસ વે ઉપર મોતનું તાંડવઃ ૭ના જીવ લીધા : આગ્રા-દિલ્હી યમુના એકસ્પ્રેસવે ઉપર એક ટેન્કર બેકાબુ બનતા ઈનોવા કાર સાથે અથડાયેલ અને ૨ મહિલા સહિત ૭ના સ્થળ પર જ મૃત્યુ થયા હતા. મજીરા-અલીગઢ બોર્ડર ઉપર આ ભયાનક દુર્ઘટના સર્જાયેલ. ઈનોવા કારના ભૂક્કા બોલી ગયા હતા. મૃત્યુ પામેલાની ઓળખ જીંદ-સફીદોંના મનોજ, બબિતા, અભય, હેમંત, કલ્લુ, હિમાદ્રી અને ડ્રાઈવર રાકેશ તરીકે થયા છે. access_time 10:12 am IST

  • હૈકરોએ ઝારખંડના પૂર્વ રાજ્યપાલને બનાવ્યા નિશાન : ઈ-મેલ હૈક કરીને લોકો પાસે માંગી રકમ : પોલીસ તપાસ શરૂ :હૈંકરોએ પૂર્વ ગવર્નર -પૂર્વ કેબિનેટ સચિવ પ્રભાતકુમારનો ઈમેલ આઈડી હૈક કરીને તેના કેટલાય પરિચિતો પાસેથી પૈસા મંગાવ્યા : પૂર્વ રાજ્યપાલ પ્રભાતકુમારે નોઈડા થાના સેક્ટર -39માં ફરિયાદ દાખલ કરતા પોલીસે તપાસ હાથ ધરી access_time 12:23 am IST