Gujarati News

Gujarati News

News of Sunday, 24th January 2021

યુપીમાં લગ્નના એક દિવસ પહેલા જ બહેનની ક્રૂર હત્યા

પ્રેમીએ ભાઈને બહેનના અશ્લીલ ફોટા મોકલ્યા : બહેન ટૂથપેસ્ટ કરી રહી હતી ત્યારે સગો ભાઈ તમંચો લઈ આવ્યો અને ગોળી મારી દીધી : પોલીસની વધુ તપાસ

મેરઠ, તા. ૨૪ : યુપીના મેરઠ જિલ્લામાં યુવતીના લગ્નના ૨૪ કલાક પહેલા હત્યાની ઘટના પ્રકાશમાં આવી છે. ઘટના લિસાડી ગેટ પોલીસ સ્ટેશન વિસ્તારની છે. જ્યાં સગા ભાઈએ જ લગ્નના એક દિવસ પહેલા પોતાની બહેનની હત્યા કરી દીધી. એવું કહેવામાં આવી રહ્યું છે કે યુવતીના બોયફ્રેન્ડે યુવતીના અશ્લીલ ફોટા તેના ભાઈને મોકલ્યા હતા. જેથી ગુસ્સામાં ભાઈએ ગંભીર ગુનાને અંજામ આપી દીધો. આરોપી ભાઈએ પોલીસ સમક્ષ સરેન્ડર પણ કરી દીધું છે.

મળતી માહિતી પ્રમાણે, લિસાડી ગેટના ઈસ્લામાબાદ વિસ્તારમાં રીક્ષા ચલાવીને પરિવારનું ગુજરાન કરતા વ્યક્તિના ૬ બાળકો છે. પરિવારમાં સૌથી નાની ૧૯ વર્ષીય પુત્રીનો ખુર્જામાં રહેતા તેના પિતરાઈ ભાઈ કાસિમ સાથે લાંબા સમયથી પ્રેમ સંબંધ હતો. પરંતુ આ પ્રેમસંબંધથી નારાજ પરિવારના સભ્યોએ થોડા દિવસો પહેલા તહસીલની રહેવાસી યુવક સાથે પુત્રીના લગ્ન કરવાનું નક્કી કર્યું હતું. રવિવારે જાન આવવાની હતી. બધા લોકો લગ્નની તૈયારીઓમાં વ્યસ્ત હતા. બીજી તરફ પ્રેમિકાના લગ્ન અન્યત્ર નક્કી કરાવવા અંગે પ્રેમી કાસિમ પણ ગુસ્સે હતો. એવું કહેવામાં આવી રહ્યું છે કે, શુક્રવારે કાસિમે પ્રેમિકાના મોટા ભાઈના મોબાઈલમાં તેની બહેનના અશ્લીલ ફોટા મોકલ્યા હતા. તે જોઈને ભાઈ ગુસ્સેથી લાલચોળ થઈ ગયો હતો. અશ્લીલ તસવીરોને લઈને રાત્રે પણ ભાઈ અને બહેન વચ્ચે ઉગ્ર બોલાચાલી થઈ હતી. પરંતુ પરિવારના સભ્યો બંનેને સમજાવીને શાંત કરાવ્યા હતા. શનિવારે સવારે યુવતી ઘરે ટૂથપેસ્ટ કરી રહી હતી. તે દરમિયાન તેનો મોટો ભાઈ હાથમાં બંદૂક લઇને પહોંચ્યો હતો અને તેને ગોળી મારી દીધી હતી. ઘટના બાદ ઘરમાં અરાજકતા ફેલાઈ હતી. પોલીસ ઘટના સ્થળે પહોંચી હતી અને યુવતીની લાશને પોસ્ટમોર્ટમ માટે મોકલી આપી હતી. બીજી તરફ આરોપી ભાઈએ પણ ઘરે પોલીસ સમક્ષ સરેન્ડર કર્યું હતું.

(7:58 pm IST)
  • ગુજરાતમાં કોંગ્રેસના ઓબ્ઝર્વર તરીકે છત્તીસગઢના ગૃહમંત્રીની નિમણૂંક : છત્તીસગઢના હોમ મિનિસ્ટર તામ્રધ્વજસિંહની ગુજરાતના ઓબ્ઝર્વર તરીકે કોંગ્રેસ નેતાગીરીએ નિમણૂક કરી છે access_time 5:04 pm IST

  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST