Gujarati News

Gujarati News

News of Sunday, 24th January 2021

યુપીમાં મહિલા ડોક્ટરે મેડિકલ સ્ટુડન્ટને હની ટ્રેપમાં ફસાવ્યો

અપહરણ કરીને ૭૦ લાખની ખંડણી માગી : હજુ સુધી હનીટ્રેપની ઘટનાને અંજામ આપનારી દિલ્હીની એક મહિલા ડોક્ટર ફરાર છે : પોલીસની વધુ તપાસ

લખનૌ, તા. ૨૪ : ઉત્તર પ્રદેશના ગોંડામાં મેડિકલ વિદ્યાર્થીના અપહરણ કાંડમાં મોટી સફળતા પોલીસને મળી છે, પરંતુ હજુ સુધી હની ટ્રેપની આ ઘટનાને અંજામ આપનારી દિલ્હીની એક મહિલા ડોક્ટર ફરાર છે. જણાવી દઈએ કે બીએમએસના વિદ્યાર્થી ગૌરવ હાલદારને હેમખેમ છોડાવી લેવાયો હતો. આ કિડનેપ મામલામાં પોલીસે દિલ્હીના ડોક્ટર સહિત ૩ આરોપીઓને પકડી લેવામાં આવ્યા છે. ગોંડાના એસસીપીએમ મેડિકલ કોલેજના વિદ્યાર્થી ગૌરવનું ૧૮ જાન્યુઆરીએ સાંજે ૪ વાગ્યે અપહરણ કરી લેવાયું હતું. પોલીસની ટીમે હજુ પણ દિલ્હી અને એનસીઆરમાં મહિલા ડોક્ટરને શોધવામાં લાગી છે.

હકિકતમાં દિલ્હીના ડોક્ટર અભિષેક સિંહે પોતાની પરિચિત મહિલા ડોક્ટર સાથે ગૌરવના અપહરણનું ષડયંત્ર રચ્યું હતું. બીએએમએસના વિદ્યાર્થી ગૌરવ હાલદરનને મહિલાએ હનીટ્રેપમાં ફસાવીને મળા માટે બોલાવ્યો હતો. ત્યાં પહેલાથી જ ડોક્ટર અભિષેક અને તેના બે સાથીદારો ઈન્જેક્શન લઈને તૈયાર હતા. તેઓ ગૌરવને ઈન્જેક્શન આપીને ઉપાડી લાવ્યા.

આ વચ્ચે અપહરણ મામલામાં સક્રિય યુપી એસટીએફની ટીમ, ગોંડા પોલીસ અને ક્રાઈમ બ્રાન્ચની ટીમે સર્વિલાન્સની મદદથી તેમનું લોકેશન શોધ્યું અને ત્રણ આરોપીઓને પકડી લીધા. તેમની પૂછપરછના આધારે શનિવારે પોલીસે વધુ બે આરોપીઓને પકડી લીધા.

શનિવારે સંતકબીર નગરથી પકડાયેલા રોહિત સિંહ અને સતીશ કુમારે જણાવ્યું કે, ગૌરવ હાલદારને ટાર્ગેટ બનાવવા માટે પહેલા ડો. પ્રીતિ મેહરા પાસેથી ફોન કરાવાયો હતો. જ્યારે તે પ્રીતિની જાળમાં ફસાઈ ગયો ત્યારે તેને ફોન કરીને બોલાવવામાં આવ્યો અને નશાના ઈન્જેક્શન આપીને દિલ્હીના એક ફ્લેટમાં ગોંધી રાખવામાં આવ્યો. આ બાદ ૧૯ તારીખે ફોન કરીને પરિવાર પાસેથી ૭૦ લાખની માગણી કરવામાં આવી અને ૨૨ તારીખનું અલ્ટિમેટમ આપીને ફોન મૂકી દેવાયો. આ બાદ અપહરણકર્તાઓએ ફરી ૨૧ તારીખે ફોન કરીને ખંડણીની માગણી કરી હતી.

પોલીસ મુજબ, મહિલા ડોક્ટર પ્રીતિ મેહરા અને ડો. અભિષેક સિંહ અપહરણના ષડયંત્રના માસ્ટરમાઈન્ડ હતા. પોલીસનું કહેવું છે કે બંને દિલ્હીના નજફગઢ વિસ્તારના રાઠી હોસ્પિટલમાં કામ કરે છે. ગોંડાના પોલીસ પ્રમુખ શૈલેષ પાંડેએ કહ્યું કે, એસટીએફની નોઈડા ટીમે ડો. મેહરાની ભાળ મેળવવા માટે એનસીઆરમાં પહોંચી હતી. અધિકારીએ કહ્યું કે સર્વેલાન્સ ટીમ અને ગોંડા પોલીસની ટીમ દ્વારા તપાસ કરાઈ રહી હતી.

(7:58 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • વિજય માલ્યા બન્યો મરણીયો : બ્રિટનમાં જ રહેવા પૈતરો : ગૃહમંત્રી પ્રીતિ પટેલ સમક્ષ અરજી કરી : હાલ તે જામીન ઉપર છુટેલો છે access_time 3:16 pm IST