Gujarati News

Gujarati News

News of Sunday, 24th January 2021

કાલની નવી દિલ્હીની ટ્રેકટર રેલી પ્રશ્નો અસમંજસની સ્થિતિ : મંજુરી મળી છે કે કેમ નકકી કરી શકાતુ નથી

નવી દિલ્હી: નવા કૃષિ કાનૂનો (New Agriculture Laws) ના વિરૂદ્ધ ખેડૂતોનું પ્રદર્શન (Farmers Protest) બે મહિનાથી ચાલુ છે અને ખેડૂત સતત કાયદાને પરત લેવાની માંગ કરી રહ્યા છે. આ દરમિયાન 26 જાન્યુઆરીના રોજ દિલ્હીમાં ખેડૂતોની ટ્રેકટર રેલી પર કન્ફયૂજનની સ્થિતિ બની ગઇ છે. ખેડૂતોએ જાહેરાત કરી છે કે તેમને દિલ્હીમાં ટ્રેક્ટર રેલીની પરવાનગી મળી ગઇ છે, જ્યારે દિલ્હી પોલીસ કહી રહી છે કે અત્યારે ટ્રેક્ટર રેલીને મંજૂરી આપવામાં આવી નથી.

દિલ્હી પોલીસ એ સ્પષ્ટ કરી દીધું છે કે ખેડૂતોની ટ્રેક્ટર રેલી રિંગ રોડ  પર નિકાળવામાં નહી આવે અને ગણતંત્ર દિવસ પરેડ  બાદ જ ખેડૂત પોતાની રેલી નિકાળી શકશે. જોકે પોલીસનું કહેવું છે કે જો ખેડૂત આ બધી વસ્તુઓ લેખિતમાં આપશે, ત્યારબાદ જ તેમને રેલીની પરવાનગી આપવામાં આવી શકે છે. દિલ્હીમાં ટ્રેક્ટર પરેડને લઇને પોલીસ કમિશ્નરએ કહ્યું કે 'ખેડૂતોએ અમને લેખિત રૂટ આપ્યો નથી. લેખિત રૂટ આવ્યા પછી જણાવીશું.'

26 જાન્યુઆરીના રોજ દિલ્હીમાં ટ્રેક્ટર માર્ચ કાઢવાને લઇને ખેડૂત અને દિલ્હી પોલીસ વચ્ચે તે સમયે કન્ફયૂજનની સ્થિતિ બની ગઇ, જ્યારે ખેડૂત સંગઠન અને દિલ્હી પોલીસે અલગ-અલગ નિવેદન આપ્યા છે. જ્યાં ખેડૂતોનું કહેવું છે કે તેમને 26 જાન્યુઆરીએ રેલી કાઢવાની મંજૂરી મળી ગઇ છે. ખેડૂત નેતાઓએ શનિવારે પત્રકાર પરિષદ કરી કહ્યું કે તે 26 જાન્યુઆરીના રોજ પરેડ નિકળશે. બેરિકોડ હટાવી દેવામાં આવશે અને તે દિલ્હીમાં એન્ટ્રી કરશે. તો બીજી તરફ દિલ્હી પોલીસ  એ કહ્યું કે વાતચીત અંતિમ તબક્કામાં છે. અત્યાર સુધી મંજૂરી મળી નથી.

ખેડૂત નેતાઓએ કહ્યું કે અમે અલગ-અલગ પાંચ રૂટો દ્રારા અમારી પરેડ નિકાળીશું અને પરેડ શાંતિપૂર્વક થશે. ખેડૂત નેતા દર્શન પાલએ કહ્યું કે ટ્રેક્ટર પરેડ લગભગ 100 કિલોમીટર ચાલ્શે. પરેડમાં જેટલો સમય લાગશે, તે અમને આપવામાં આવશે. આ પરેડ ઐતિહાસિક હશે, જેને દુનિયા જોશે.

ભ્રમની સ્થિતિ વચ્ચે ખેડૂત સંગઠન આજે (24 જાન્યુઆરી) ને દિલ્હીના સિંધુ બોર્ડર પર ફરીથી પરસ્પર બેઠક કરશે અને પોતાની રણનીતિ પર ચર્ચા કરશે. આ સાથે જ એ પણ માનવામાં આવી રહ્યું છે કે ટ્રેક્ટર રેલીનો રૂટ ફાઇનલ કરશે અને દિલ્હી પોલીસને રૂટની પુરી જાણકારી આપશે.

(3:20 pm IST)
  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • દિલ્હી એરપોર્ટ ઉપરથી કરોડોનું હેરોઈન ઝડપાયું: કરોડો રૂપિયાની કિંમતના ૯.૮ કિલો હેરોઇનના જથ્થા સાથે યુગાન્ડાના બે નાગરિકો દિલ્હી એરપોર્ટ થી ઝડપાઈ ગયા છે. access_time 4:44 pm IST